Fornverkaskólinn fékk góða heimsókn
feykir.is
Skagafjörður, Austur-Húnavatnssýsla, Vestur-Húnavatnssýsla
26.09.2024
kl. 13.10
Nemendahópurinn sem heimsótti Fornverkaskólann. Myndir teknar af Facebook-síðu félagsins.
Dagana 17.-18. september fékk Fornverkaskólinn nemendahóp af arkitektúrdeild Listaháskóla Íslands í heimsókn. Hópurinn kom í Skagafjörð m.a. til að kynnast torfarfinum á Íslandi en eins og margir vita er af nógu að taka í þeim efnum í firðinum. Dagskráin hófst með kynningu á Víðimýrarkirkju. Þá var farið á skrifstofuna í Glaumbæ þar sem hópurinn fékk kynningu á torfi, mismunandi hleðslugerðum og verkfærum svo fátt eitt sé nefnt, og loks var gengið um sýningarnar á safnsvæðinu.
Á miðvikudeginum fór hópurinn í Tyrfingsstaði þar sem þeir kynntust Fornverkaskóla- og Tyrfingsstaðaverkefnunum, gripu í torftöku og -ristu með Helga Sigurðssyni, kennara á torfhleðslunámskeiðum Fornverkaskólans og spreyttu sig á uppmælingum og skissu-teikningum í gömlu húsunum. Kalt var og blautt þann daginn, en nemendur létu það ekki á sig fá og voru afar iðin og áhugasöm. Deginum lauk með heimsókn í gamla bæinn á Stóru-Ökrum, þar sem Sigríður Sigurðardóttir sagði frá sögu staðarins og spjallaði um mismunandi grindargerðir í timburhúsum frá fornu fari.
Fornverkaskólinn þakkar nemendahópnum og kennurum við Listaháskóla Íslands kærlega fyrir skemmtilega og gefandi samveru, Stínu og Sigga á Tyrfingsstöðum fyrir hlýjar móttökur, Helga fyrir kennsluna og Sirrí fyrir kynninguna á Stóru-Ökrum!
Fleiri fréttir
-
Nóg um að vera hjá Pílukastfélagi Skagafjarðar
feykir.is Skagafjörður, Íþróttir 26.09.2024 kl. 12.49Fyrsta mót Kaffi Króks mótaraðarinnar fór fram þriðjudagskvöldið 24. sept. og tóku fimmtán manns þátt að þessu sinni. Stemningin var góð og keppt var í þremur riðlum. Að þeim loknum var leikið til úrslita í hverjum riðli fyrir sig og enduðu leikar þannig að í C-riðli var Heiðar Örn sigurvegari. Í B-riðli sigraði Alexander Franz og í A-riðli var það svo Jón Oddur sem stóð uppi sem sigurvegari, glæsilega gert hjá þeim.Meira -
Fish Partner tekur við Blöndu og Svartá
feykir.is Austur-Húnavatnssýsla, Fréttir 26.09.2024 kl. 11.25Í frétt á mbl.is segir að félagið Fish Partner hefur samið við Veiðifélag Blöndu og Svartár um að taka að sér sölu á veiðileyfum á vatnasvæðinu næstu fimm árin. Um er að ræða umboðssölu fyrirkomulag en fram til þessa hafa leigutakar greitt fast leiguverð fyrir ána. Þetta fyrirkomulag hefur verið tekið upp víðar og eru Norðurá í Borgarfirði og Ytri Rangá dæmi um laxveiðiár þar sem slíkt fyrirkomulag hefur reynst vel.Meira -
Hvað segir það um málstaðinn? | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Fréttir 26.09.2024 kl. 09.20„Ég á enn eftir að hitta þann aðila í viðskiptalífinu sem vildi frekar 29 tvíhliða viðskiptasamninga í stað eins,“ sagði Þórdís Kolbrún Reykfjörð Gylfadóttir utanríkisráðherra á málþingi í tilefni af 30 ára afmæli EES-samningsins fyrr á árinu þar sem hún beindi spjótum sínum að þeim sem bent hafa á mikla og vaxandi ókosti aðildar Íslands að samningnum. Hins vegar er vandséð hvað ráðherrann átti við enda virtist hann hafa verið að halda því fram að heyrði EES-samningurinn sögunni til þýddi það meðal annars endalok Evrópusambandsins.Meira -
Konukvöld hjá Pílukastfélagi Skagafjarðar í kvöld
feykir.is Skagafjörður, Íþróttir 25.09.2024 kl. 15.49Í kvöld, miðvikudaginn 25. september, milli kl. 20-22 ætlar Pílukastfélag Skagafjarðar að halda konukvöld í aðstöðuhúsi félagsins að Borgarteig 7 á Sauðárkróki. Sylvía Dögg Gunnarsdóttir, ein af meðlimum klúbbsins, ætlar að vera til handar fyrir þær konur sem mæta í kvöld og vilja fá smá leiðsögn í pílukasti. Pílukastfélagið hvetur allar konur sem hafa áhuga á að prufa pílu að mæta og hafa gaman saman.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.