Flóabardagi í Vatnsdalshólum | Listsýning í Listakoti Dóru
Á morgun, laugardaginn 6. júlí kl. 13:00, opnar Dóra Sigurðardóttir áhugaverða sýningu í galleríi sínu, Listakot Dóru, á jörð sinni á Vatnsdalshólum í Húnavatnssýslu, aðeins tvo kílómetra suður af Hringveginum. Sýningin sækir innblástur frá nágrenninu og í Flóabardaga, einn af frægustu bardögum Sturlungaaldar og einu sjóorrustuna sem háð hefur verið við Íslandsstrendur þar sem Íslendingar skipuðu bæði lið.
Þann 25. júní 1244 mættust á Húnaflóa lið Þórðar kakala Sighvatssonar, af ættum Sturlunga og Kolbeins unga Arnórssonar af ættum Ásbirninga. Nú í ár, árið 2024, eru liðin 780 ár frá Flóabardaga og af því tilefni koma tólf listamenn saman í Listakoti Dóru og sýna verk sín sem eiga skírskotun í þessa frægu sjóorrustu við Íslandsstrendur.
Eftirtaldir tólf listamenn sýna verk sín: Elísa Ósk Ómarsdóttir, Erla Einarsdóttir, Gudrun Kloes, Guðrún Ósk Aðalsteinsdóttir, Hólmfríður Dóra Sigurðardóttir, Inese Elferte, Morgan C.B., Óskar Guðmundsson, Rúnar, Sara Jóna Emilía, Þorgeir Gísli Skúlason og Þóra Einarsdóttir.
Margvísleg dagskrá á þjóðlegum nótum verður yfir opnunarhelgina. Klukkan 13:20 á laugardaginn mun Hilma Eiðsdóttir Bakken kveða rímur. Ásgeir Guðrúnarson Hólm verður einnig í Listakoti opnunarhelgi sýningarinnar, 6. og 7. júlí, og býður upp á nudd á staðnum. Hægt er að panta tíma hjá honum í gegnum síðu hans á Facebook - Ásgeir Guðrúnarson Hólm (AF Warwik). Þá mun Kvenfélag Svínavatnshrepps selja kakó og vöfflur á staðnum á opnunardeginum.
Sýningin er opin á opnunartíma Listakots Dóru, frá kl. 13:00 til kl. 18:00 alla daga nema mánudaga en sýningin sjálf stendur til 5. september.
Fleiri fréttir
-
Anna Karen og Jóhann Örn klúbbmeistarar GSS 2024
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 08.07.2024 kl. 15.58Meistaramót GSS fór fram dagana 1. - 6. júlí á Hlíðarendavelli í frekar hvössu og köldu veðri. Rúmlega 80 þátttakendur tóku þátt í sjö mismunandi flokkum. Keppt var í meistaraflokki karla og kvenna, 1. flokki karla og kvenna, 2. flokki karla, háforgjafarflokki, öldungaflokki, 15 ára og yngri í bæði stelpu og drengjaflokki og að lokum 12 ára og yngri. Í fyrra voru klúbbmeistarar systkinin Arnar Geir Hjartarson og Anna Karen Hjartardóttir en þar sem Arnar tók ekki þátt í ár var ljóst að nýr klúbbmeistari yrði krýndur í karlaflokki þetta árið.Meira -
Réttur til sambúðar á hjúkrunarheimilum | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 08.07.2024 kl. 15.57„Það er eins og við séum slitin í sundur, það er ekki hægt að segja annað, og einmitt þegar kannski væri mest þörfin fyrir stuðning.” Þetta sagði viðmælandi í Kastljóssviðtali árið 2013. Eiginkona hans þurfti að flytjast á hjúkrunarheimili og hann vildi fara með henni en fékk ekki samþykkt færni- og heilsumat. Maðurinn heimsótti konuna sína daglega í þrjú ár.Meira -
Eyþór Franzson og Greta Björg klúbbmeistarar hjá GÓS á Blönduósi
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 08.07.2024 kl. 15.03Meistaramót Golfklúbbsins Ós á Blönduósi hélt Meistaramót sitt á Vatnahverfisvelli dagana 5. og 6. júlí. Níu keppendur voru skráðir til leiks og var keppt í þremur flokkum og spilað var tvisvar sinnum átján holur. Veðrið var ekki upp á margar kúlur og hafði talsverð áhrif á keppendur, þá var hvasst og rigning á föstudaginn en á laugardaginn var frekar rólegt en kalt. Eyþór Franzson Wechner sigraði í meistaraflokki karla, Greta Björg Lárusdóttir sigraði í meistaraflokki kvenna og Grímur Rúnar Lárusson sigraði í 1. fokki karla.Meira -
Fjórar Feykiflottar semja við Tindastól
feykir.is Skagafjörður, Íþróttir 08.07.2024 kl. 08.33Á Facebook-síðu Körfuknattleiksdeildar Tindastóls segir að félagið hafi gengið frá samningum við þær Brynju Líf, Emmu Katrínu, Klöru Sólveigu og Rannveigu um að spila fyrir Tindastól í Subway deildinni á komandi tímabili. Israel Martin þjálfari segir það góðar fréttir fyrir félagið í heild „Það er mjög mikilvægt að tryggja samfellu í þessu uppbyggingarverkefni sem liðið er í, halda í það góða sem byggt hefur verið upp og horfa til framtíðar“Meira -
Samúel Rósinkrans Kristjánsson ráðinn umsjónarmaður Eignasjóðs
feykir.is Skagafjörður 08.07.2024 kl. 08.27Á heimasíðu Skagafjarðar segir að Samúel Rósinkrans Kristjánsson var ráðinn í starf umsjónarmanns Eignasjóðs á Veitu- og framkvæmdasviði hjá sveitarfélaginu Skagafirði. Eignasjóður Skagafjarðar leigir út fasteignir til stofnana og einstaklinga. Eignasjóður leggur áherslu á gott samstarf og þjónustu við viðskiptavini sína og hefur að leiðarljósi fagleg vinnubrögð við hönnun, framkvæmd og viðhald húsnæðis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.