Fjögur stig á Krókinn eftir helgina
Það var nóg um að vera þessa fyrstu helgi ársins í körfuboltanum hjá Tindastól en það var Meistaraflokkur karla sem byrjaði gleðina og átti leik á Meistaravöllum föstudaginn 3. janúar á móti Tóta Túrbó og liðsfélögum hans í KR. Leikurinn byrjaði ekki sannfærandi hjá Stólunum og var hugurinn kominn á þá leið að KR-ingar væru að fara að hirða þessi tvö stig af okkur eins og í 1. umferðinni.
En Benni ætlaði greinilega ekki að láta strákana gefa þetta frá sér og tekur tvö leikhlé, með stuttu millibili, og herðir í hópnum og eftir það áttu KR-ingar ekki séns. Lokatölur 95-116 fyrir Stólunum og sitja þeir í 2. sæti deildarinnar með 18 stig. Næsti leikur er fimmtudag 9. janúar gegn ÍR í Síkinu.
Meistaraflokkur kvenna spilaði svo í Síkinu laugardaginn 4. janúar á móti Njarðvík. Fyrri leikur liðanna fór þannig að Stólastúlkur unnu og það var greinilegt að Njarðvík ætlaði sér sigur því leikurinn var æsispennandi frá byrjun til enda. Stólastúlkur byrjuðu aftur á móti leikinn mun betur en Njarðvík náði að saxa niður forskotið og þannig þróaðist leikurinn. Það var svo þegar aðeins ein mínúta var eftir af leiknum að Njarðvík náði að minnka muninn niður í þrjú stig en Stólastúlkur gáfust ekki upp og kláruðu leikinn. Lokatölur 79-69 fyrir Stólastúlkum sem sitja núna í 4. sæti með 16 stig. Næsti leikur hjá stelpunum er útileikur á morgun, 7. janúar, á móti Val.
Fleiri fréttir
-
Gæsasalat og hreindýrasteik | Matgæðingar Feykis
feykir.is Skagafjörður, Í matinn er þetta helst, Lokað efni 07.01.2025 kl. 12.00Matgæðingar vikunnar í tbl 44 árið 2023 voru Elvar Örn Birgisson og Elín PetraGunnarsdóttir. Þau eiga saman fjögur börn: Birgittu Katrínu 9 ára, Þorvald Heiðar 6 ára, Álfheiði Báru 4 ára og Rúrik Örn eins árs. Elvar og Elín búa á bænum Ríp í Hegranesinu þar sem þau eru með sauðfjárbú, ferðaþjónustu og hross í fjölskyldurekstri með foreldrum Elvars og systkinum.Meira -
Val á manni ársins 2024 í Austur-Húnavatnssýslu
feykir.is Austur-Húnavatnssýsla 07.01.2025 kl. 09.28Á vefsíðunni huni.is segir að líkt og undanfarin 19 ár býður Húnahornið lesendum sínum að velja mann ársins í Austur-Húnavatnssýslu. Við biðlum til lesenda að senda inn tilnefningu í gegnum þar til gerðan rafrænan atkvæðaseðil. Hver og einn getur sent inn eina tilnefningu og er jafnframt óskað eftir ástæðu tilnefningarinnar. Maður ársins í Austur-Húnavatnssýslu getur verið einstaklingur eða hópur manna.Meira -
Gómsæt listaverk
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Mannlíf, Lokað efni 07.01.2025 kl. 09.18Um miðjan nóvember kom út Stóra brauðtertubókin og er nokkuð ljóst á titlinum hvað innihald bókarinnar felur í sér. Þarna er á ferðinni 223 blaðsíðna uppskriftarbók með fallegum myndum af þjóðarrétti Íslendinga, brauðtertunni. Feykir hefur lengi verið mikill aðdáandi brauðtertunnar og fylgist grant með Facebook-hópnum Brauðtertufélagið Erla og Erla þar sem áhugafólk brauðtertunnar deilir myndum af listaverkunum sínum sem það hefur dundað við að gera fyrir alls konar tilefni.Meira -
Erlent kúakyn- bjargvættur íslenskra kúabænda
feykir.is Skagafjörður, Austur-Húnavatnssýsla, Vestur-Húnavatnssýsla 06.01.2025 kl. 16.53Í kvöld mánudaginn 6. janúar, verður haldinn rafrænn fundur á Zoom klukkan 20:30 þar sem spjallið um innflutning á erlendu kúakyni verður tekið.Meira -
Kosning hafin á Manni ársins á Norðurlandi vestra 2024
feykir.is Skagafjörður, Austur-Húnavatnssýsla, Vestur-Húnavatnssýsla 06.01.2025 kl. 16.05Eins og undanfarin ár stendur Feykir fyrir kjöri á manni ársins á Norðurlandi vestra. Gefst íbúum á svæðinu og öðrum lesendum Feykis kostur á að velja úr hópi þeirra sem tilnefndir voru af lesendum. Átta tilnefningar bárust sem teknar voru til greina í kjörið.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.