Fiskisúpa og einfaldasta eplakaka í heimi
Hjónin Auðunn Sigurðsson og Berglind Björnsdóttir á Blönduósi deildu fyrir nokkrum misserum uppskriftum sínum með lesendum Feykis. Við endurbirtum þær hér. Þau segjast ekki vera mikið forrétar fólk og vilji frekar eiga gott pláss fyrir eftirrétt.
Fiskisúpa með grænmeti
- 2 ds Hunts Original garlic (eða sambærilegar sósur)
- 3 bollar vatn
- 1/2 bolli saxaður laukur
- 1/2 bolli saxaðar gulrætur
- 1/2 bolli söxuð paprika
- 1 peli rjómi/matreiðslurjómi
- 1/2 kjúklingateningur
- 1 msk púðursykur
- 250 g rækja eða annar fiskur
Steikið grænmetið í potti og setjið tómatkryddsósuna út í.
Bætið hinu við nema rækjum og hrærið vel saman.
Látið sjóða við vægan hita í 20-30 mínútur.
Setjið rækjurnar út í þegar súpan er fullsoðin, en ef notaður er fiskur má setja hann út í súpina í bitum 5 mínútum áður en súpan er tekin af hellunni.
250 g af fiskmeti er ekki mikið, þannig að ef þið óskið eftir meiri fiski-súpu má alveg bæta við meira fiskmeti.
Borið fram með brauði - t.d. Óreganóbrauði.
Óreganóbrauð
- 8 dl sigtimjöl
- 6 1/2 dl hveiti
- 1 msk sykur
- 2 1/2 tsk þurrger
- 2 tsk gróft salt
- 1 msk óreganó
- 4 dl léttmjólk
- 1 dl súrmjólk
- 1/2 dl matarolía
- 4 pressuð hvítlauksrif
- 1 egg til penslunar
Skraut: Óreganó og gróft salt
Blandið þurrefnunum saman.
Geymið 1-2 dl af hveitinu.
Hrærið saman mjólk, súrmjólk, matarolíu og hvítlauk og bætið út í þurrefnin.
Látið deigið hefast á hlýjum stað í eina og hálfa klukkustund.
Hnoðið deigið á hveitistráðu borði, bætið hveiti í ef þarf.
Fletjið deigið út í 28x40 cm og leggið á bökunarpappír og í ofnskúffu.
Skerið rákir hálfa leið ofan í deigið svo ferningar myndist (4x4 cm).
Látið deigið hefast á hlýjum stað í 45 mínútur.
Penslið brauðið með sundurslegnu eggi og stráið óreganó og grófu salti yfir.
Bakið í miðjum ofni við 225 gráðu hita í 20 mínútur.
Einfaldasta eplakaka í heimi
- 3-4 epli
- kanilsykur
- 200 g rjómasúkkulaði
- 125 g mjúkt smjör
- 125 g hveiti
- 125 g sykur
Eplin eru skorin niður í hæfilega bita og kanilsykri stráð yfir.
Rjómasúkkulaði skorið niður og stráð þar yfir. (Í upprunalegu uppskriftinni eru súkkulaðirúsínur og salthnetur).
Hveiti, sykur og smjör er klipið saman með höndunum og dreift yfir epli og súkkulaði.
Bakað við 200 gráður þar til fallega brúnt á litinn.
Kakan er borin fram með ís og/eða þeyttum rjóma.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.