Fín krapa æfing hjá Blöndufélögum
Ferð Björgunarfélagsins Blöndu um síðustu helgi var í alla staði vel heppnuð þannig séð þótt ekki hefðu óreyndir bílstjórarnir komist mikið áleiðis, enda var þetta bara fín krapa æfing.
Töluverður fjöldi skráði sig í ferðina að þessu sinni, ca 35 manns á vegum Blöndu og ca 15 frá Póstinum á Blönduósi en þessir tveir hópar deildu með sér Áfangafelli um helgina og ferðuðust að nokkru leiti saman. Lagt var af stað stundvíslega kl 8.00 á laugardagsmorgun og ferðinni heitið í Áfangafell þar sem ferðalangarnir héldu til um nóttina.
Farið var suður Kjalveg að afleggjaranum að Stórasandi þar sem sleðar voru teknir af kerrunni og haldið var vestur að Sandkúlufelli. Færðin var frekar erfið fyrir óreynda bílstjóra Björgunarsveitarinnar en þeir busluðu nokkuð í krapapyttum og lækjarsprænum sem voru hulin snjó, allir höfðu þó gaman af og skemmtu sér vel þótt eknir kílómetrar hefðu mátt vera fleiri. Töluvert betur gekk hjá bílstjórum Póstsins því þeir komust alla leið í Hveravelli en létu það duga. Sleðarnir höfðu mun betra færi til að leika sér í en jepparnir og þeystu þeir fjalltoppana á milli, upp og niður alla ferðina á milli þess sem skipst var á að leyfa yngri kynslóðinni að viðra sig örlítið sem farþegar. Sleðarnir kíktu örlítið upp á Langjökul en þar kom á móti þeim svartur skýjabakki með heilmikilli úrkomu en sem betur fer og þökk sé GPS tækjum að þá komust þeir heilir á húfi í Hveravelli.
Um kvöldið tók grillmeistarinn Gummi Ingþórs völdin og grillaði ljúffeng lambalæri frá SAH Afurðum og það verður að segjast eins og er að betri læri hafa sennilega aldrei verið grilluð fyrr, þau voru vægast sagt góð, vel krydduð og pökkuð. SAH Afurðir fá mestar þakkir fyrir yndislegan kvöldverð. Sama má segja um Samkaup sem styrktu máltíðina með gosi og meðlæti af bestu gerð, það gerir gæfumuninn að hafa svona góða aðila að. Þegar ljúffengum kvöldverði var lokið var tekið í spil en eins og oft áður í svona ferðum tekur þreytan völdin og fólk fór að týnast smám saman til svefns.
Meðfylgjandi myndir tók Bjarni Freyr Björnsson.
Fleiri fréttir
-
„Ein eftirminnilegasta gjöfin var skartgripaskrín handsmíðað af afa“
feykir.is Skagafjörður, Mannlíf, Lokað efni 20.04.2025 kl. 15.01Arndís Katla Óskarsdóttir er úr Skagafirði og býr hjá foreldrum sínum á Skógarstígnum í Varmahlíð. Mamma hennar og pabbi eru Hafdís Arnardóttir og Óskar Már Atlason og systkini hennar eru Kristófer Bjarki, Hákon Helgi og Þórdís Hekla. Arndís Katla vinnur á Dvalarheimilinu Dalbær á Dalvík. Kærastinn hennar er þaðan svo hún er duglega að rúnta á milli fjarða. Arndís Katla sagði Feyki frá fermingjardeginum sínum sem var fyrir fjórum árum.Meira -
Myndi bjóða Steinda Jr. í veisluna
feykir.is Austur-Húnavatnssýsla, Lokað efni 20.04.2025 kl. 13.00Aron Logi Svavarsson býr á Skagaströnd og verður fermdur í Hólaneskirkju þann 8. júní. Sr. Guðni Þór fermir drenginn og eru foreldrar hans Fjóla Dögg Björnsdóttir og Svavar Björnsson.Meira -
Langar að útbúa krossgátu um sjálfa sig fyrir gestina
feykir.is Vestur-Húnavatnssýsla, Lokað efni 20.04.2025 kl. 11.00Álfhildur Þórey Heiðarsdóttir býr á Bæ 1 í Húnaþingi vestra. Álfhildur fermist þann 15. júní í Prestbakkakirkju og mun sr. Magnús Magnússon sjá um ferminguna. Foreldrar hennar eru Sigrún Eggertsdóttir Waage og Heiðar Þór Gunnarsson.Meira -
Gleðilega páska!
feykir.is Skagafjörður, Austur-Húnavatnssýsla, Vestur-Húnavatnssýsla 20.04.2025 kl. 06.00Feykir óskar landsmönnum nær og fjær gleðilegra páska.Meira -
Rændi skrifblokk af miðasölumanni í Metró
feykir.is Skagafjörður, Mannlíf 19.04.2025 kl. 13.47Síðast stoppaði Dagurinn hjá Pálínu Ósk og Ísaki Einars skammt utan við Osló. Við kveðjum þau með virktum og ímyndum okkur að við röltum með bakpokann upp á veg, húkkum okkur far niður á höfn í norsku höfuðborginni og stökkvum síðan um borð í ferju á leið til Kaupmannahafnar. Siglum út lognsléttan og ofurfallegan Oslófjörð í síðdegissólinni, sofum af okkur smá velting á Norðursjónum yfir nóttina og komum síðan óstöðug af sjóriðu í land á Islands Brygge í Köben. Þar tekur Áróra Árnadóttir á móti okkur brosandi og fylgir okkur heim til sín þar sem við getum sest niður og náð áttum. Sem betur fer er stutt heim – hún býr á Islands Brygge.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.