Feikna fjör á Hofsós heim um helgina
Hofsósingar og nærsveitungar halda bæjarhátíð sína nú um helgina undir yfirskriftinni Hofsós heim. Hátíðin er arftaki Jónsmessuhátíðar á Hofsósi sem haldin var árlega um margra ára skeið, síðast árið 2017. Dagskráin er þéttskipuð skemmtilegum viðburðum og ættu allar kynslóðir að geta fundið þar eitthvað við sitt hæfi.
Í kvöld, fimmtudag, eru íbúar hvattir til að skreyta hús sín og garða og koma að verki loknu saman í Félagsheimilinu Höfðaborg og grilla saman. Hin eiginlega dagskrá hefst svo á morgun. Þá gefst þeim sem eru í góðu formi kostur á að ganga á Ennishnjúk í fylgd Rúnars Páls á Grindum en hinir sem ekki eru eins léttir á fæti geta rölt um staðinn með þeim Sólborgu Unu Pálsdóttur og Guðnýju Zoëga sem ætla að segja frá upphafi byggðar á Hofsósi. Að göngu lokinni verður litið við í Konungsverslunarhúsinu þar sem Þorsteinn Þorsteinsson (Steini Pálu) segir sögur af fólkinu sem setti svip á mannlífið í þorpinu á síðustu öld.
Að vanda sér Félag eldri borgara um að matreiða kjötsúpu ofan í gesti og kvöldvaka og dansleikur með Landabandinu verða að súpu lokinni. Ljósmyndasýning verður í Grunnskólanum og myndlistarsýning í Sólvík og þar verður trúbadorinn Sæþór Már með gítarinn á föstudagskvöld.
Af dagskrárliðum laugardagsins má nefna að handverkshópurinn Fléttan verður með prjónakaffi í Túngötu 2, útijóga verður á kirkjutúninu og börnin geta farið í fjársjóðsleit. Líonsmenn grilla ofan í gesti við Höfðaborg en þar innan dyra verður markaður, söngvakeppni barnanna og fjölskyldudiskó. Bændamarkaður verður í Pakkhúsinu og Loppumarkaður við gamla leikskólann. Einnig má nefna listasmiðju, andlitsmálun, fjölskylduratleik, skotboltamót og veltibíllinn mætir á svæðið. Þá verður sjósund með Sillu Páls, ljósmyndasýning Finns og förðunarnámskeið hjá Lilju Dóru. Geirmundur Valtýs ætlar að stjórna söng við varðeld í fjörunni um kvöldið og svo heldur hann áfram stuðinu í Sólvík. Í Höfðaborg verður hins vegar ekta sveitaball með Stjórninni.
Á sunnudag er svo tilvalið að fara í kaffihlaðborð á Samgöngusafninu í Stóragerði og koma við á opnu býli á Hlíðarenda.
Dagskrá Hofsós heim má nálgast á https://www.facebook.com/hofsosheim og einnig í nýjasta tölublaði Sjónhornsins.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.