Fékk harðfisk í jólapakkann!
ÉG OG GÆLUDÝRIÐ - Elísa Bríet og hundurinn Dimma Lind
Á Skagaströnd er lítill fallegur hundur sem heitir Dimma Lind og er af tegundinni Silky terrier. Dimma Lind er fimm ára og er eigandi hennar Elísa Bríet Björnsdóttir, 13 ára, dóttir Þórunnar Elfu Ævarsdóttur og Björns Sigurðssonar. Elísa eignaðist Dimmu þegar fjölskyldan var í Reykjavík og mamma hennar var að velta því fyrir sér hvort þau ættu kannski að fá sér hund. Eftir mikið suð í Elísu lét Þórunn undan og duttu þau heldur betur í lukkupottinn með hana Dimmu sem þau fengu í Keflavík.
Aðeins um tegundina - Silky terrier hundar eru mjög orkumiklir, bráðgáfaðir og þurfa mikla athygli. Þeir fylgjast mjög vel með öllu og láta ókunn hljóð
ekki framhjá sér fara. Þeir eiga það til að vera þrjóskir en eru samt alltaf tilbúnir til að gera hvað sem er til að fá athyglina. Þessi tegund vill vera miðpunktur alheimsins og unir sér best innan um fjölskylduna sína og tekur virkan þátt í heimilishaldinu.
Hvað er skemmtilegast og erfiðast við Dimmu? „Það sem mér finnst skemmtilegast við hana er að hún er mjög mikill leikhundur en hún getur líka verið mjög róleg og þá er svo gott að hún vill kúra hjá manni. Ef maður biður hana um að sækja póstinn eða tuskudýrið sitt, hann Pétur, þá gerir hún það – ótrúlega dugleg. Það sem er erfiðast við Dimmu er hvað henni finnst erfitt að vera í löngum bílferðum. Þá á hún það til að ofanda því hún er svo stressuð en það skrítna er að hún er samt alltaf sjúk í að fara í bílinn.“
Hafa skapast einhverjar sérstakar jólahefðir í kringum gæludýrið? „Já það hafa skapast nokkrar jólahefðir í kringum Dimmu. Hún fær t.d. alltaf pakka undir jólatréð sem er alltaf harðfiskur í og kannski smá dót. Hún fer alltaf með okkur í kirkjugarðinn á aðfangadag, hún fær jólabaðið sitt og svo fær hún auðvitað jóladagatal sem við opnum saman í desember.“
Hvernig mynduð þið lýsa aðfangadegi hjá gæludýrinu? „Ég myndi lýsa aðfangadeginum hjá Dimmu svona: hún vaknar og við opnum saman jóladagatalið. Um tólfleytið förum við í kirkjugarðinn og heimsækjum ömmu og afa. Eftir það er farið heim og hún fær jólabaðið sitt og svo fer allt á fullt við undirbúning fyrir aðfangadagskvöldið þar sem hún fær jólapakkann sinn. Dimmu finnst jólatíminn mjög skemmtilegur enda mikið að gerast og fjölskyldumeðlimunum finnst bara krúttlegt að það hafa myndast jólahefðir í kringum Dimmu, hún er jú ein af fjölskyldunni.“
Feykir þakkar Elísu og Dimmu kærlega fyrir að fá að skyggnast aðeins inn í líf þeirra og jólahefðirnar.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.