Eyrún Ingibjörg er traustsins verð
Nú líður senn að því að kosið verði til Alþingis. Í eðli sínu eru alþingiskosningar ekki frábrugðnar öðrum kosningum t.d. í félagasamtökum. Í kosningum er verið að velja fólk til að vinna málefnum viðkomandi félags eða samtaka brautargengi og koma sjónarmiðum þeirra á framfæri þar sem það á við. Alþingismenn eru starfsmenn þjóðarinnar og eiga að bera hag hennar fyrir brjósti. Halda á lofti gildum þess samfélags sem við viljum búa í. Þá reynir á samskiptahæfileika, festu og þor.
Það þarf kjark og áræði til þess að gefa kost á sér til starfa fyrir íslensku þjóðina og aldrei sem nú, þegar svo mörg krefjandi verkefni bíða úrlausnar. Þjóðin er kröfuharður húsbóndi og gagnrýnin, og ekki eys hún þakklæti yfir þá sem vel vinna, í besta falli ríkir þögnin.
Eyrún Ingibjörg Sigþórsdóttir sveitarstjóri og viðskiptafræðingur á Tálknafirði býður fram krafta sína til vinnu fyrir íslensku þjóðina undir merkjum Sjálfstæðisflokksins, þar sem hún sækist eftir forystusæti.
Ég átti því láni að fagna að vera sveitungi Eyrúnar í fjölda ára og jafnframt vinna með henni að félagsmálum okkar sveitar. Eyrún er góður samstarfsmaður, jákvæð og áhugasöm um framgang allra góðra mála. Hún ræðir málin á jafnréttisgrundvelli og virðir öll sjónarmið. Það kemur ekki niður á samstarfinu þótt ekki náist samstaða, því þrátt fyrir mikið keppnisskap, hefur Eyrún félagslegan þroska til þess að láta slíkt ekki hafa áhrif.
Eyrún hefur með verkum sínum sýnt að henni er hægt að treysta til þess að vinna vel að málefnum samfélagsins, okkur öllum til heilla. Hún nálgast viðfangsefni sín með opnum huga, kynnir sér þau vel og tekur málefnalega afstöðu til þeirra. Eyrún Ingibjörg Sigþórsdóttir á fullt erindi í forystusveit Sjálfstæðismanna á næsta kjörtímabili. Það yrði til heilla ef hún kæmist til áhrifastarfa í þágu íslensku þjóðarinnar.
Finnur Pétursson bóndi.
Fleiri fréttir
-
„Ein eftirminnilegasta gjöfin var skartgripaskrín handsmíðað af afa“
feykir.is Skagafjörður, Mannlíf, Lokað efni 20.04.2025 kl. 15.01Arndís Katla Óskarsdóttir er úr Skagafirði og býr hjá foreldrum sínum á Skógarstígnum í Varmahlíð. Mamma hennar og pabbi eru Hafdís Arnardóttir og Óskar Már Atlason og systkini hennar eru Kristófer Bjarki, Hákon Helgi og Þórdís Hekla. Arndís Katla vinnur á Dvalarheimilinu Dalbær á Dalvík. Kærastinn hennar er þaðan svo hún er duglega að rúnta á milli fjarða. Arndís Katla sagði Feyki frá fermingjardeginum sínum sem var fyrir fjórum árum.Meira -
Myndi bjóða Steinda Jr. í veisluna
feykir.is Austur-Húnavatnssýsla, Lokað efni 20.04.2025 kl. 13.00Aron Logi Svavarsson býr á Skagaströnd og verður fermdur í Hólaneskirkju þann 8. júní. Sr. Guðni Þór fermir drenginn og eru foreldrar hans Fjóla Dögg Björnsdóttir og Svavar Björnsson.Meira -
Langar að útbúa krossgátu um sjálfa sig fyrir gestina
feykir.is Vestur-Húnavatnssýsla, Lokað efni 20.04.2025 kl. 11.00Álfhildur Þórey Heiðarsdóttir býr á Bæ 1 í Húnaþingi vestra. Álfhildur fermist þann 15. júní í Prestbakkakirkju og mun sr. Magnús Magnússon sjá um ferminguna. Foreldrar hennar eru Sigrún Eggertsdóttir Waage og Heiðar Þór Gunnarsson.Meira -
Gleðilega páska!
feykir.is Skagafjörður, Austur-Húnavatnssýsla, Vestur-Húnavatnssýsla 20.04.2025 kl. 06.00Feykir óskar landsmönnum nær og fjær gleðilegra páska.Meira -
Rændi skrifblokk af miðasölumanni í Metró
feykir.is Skagafjörður, Mannlíf 19.04.2025 kl. 13.47Síðast stoppaði Dagurinn hjá Pálínu Ósk og Ísaki Einars skammt utan við Osló. Við kveðjum þau með virktum og ímyndum okkur að við röltum með bakpokann upp á veg, húkkum okkur far niður á höfn í norsku höfuðborginni og stökkvum síðan um borð í ferju á leið til Kaupmannahafnar. Siglum út lognsléttan og ofurfallegan Oslófjörð í síðdegissólinni, sofum af okkur smá velting á Norðursjónum yfir nóttina og komum síðan óstöðug af sjóriðu í land á Islands Brygge í Köben. Þar tekur Áróra Árnadóttir á móti okkur brosandi og fylgir okkur heim til sín þar sem við getum sest niður og náð áttum. Sem betur fer er stutt heim – hún býr á Islands Brygge.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.