Ertu búin/n að skrá þig á námskeið hjá Farskólanum?
Í næstu viku verða fjögur námskeið í boði hjá Farskólanum. Það eru: Uppleið - nám byggt á hugrænni atferlismeðferð, Eldfjallafræði á mannamáli, vefnámskeið, Fab Lab Sauðárkrókur - Laserskurður - staðkennt og Fab Lab Sauðárkrókur - Fusion 360, og um að gera að skrá sig á þau námskeið sem ykkur líst á:) Stéttarfélögin Aldan, Samstaða, Kjölur, Sameyki og Verslunarmannafélag Skagafjarðar greiða námskeiðsgjöldin að fullu fyrir sína félagsmenn. (Þátttakendur greiða sjálfir fyrir hráefni þar sem það á við) Athugið að námskeiðin eru öllum opin og minna þau aðra en félagsmenn þessara félaga á að kanna rétt sinn hjá sínu stéttarfélagi.
Uppleið - nám byggt á hugrænni atferlismeðferð - Námskeiðið hefst 19. febrúar og kennt er til 27. mars, mánudaga og miðvikudaga frá kl. 18:00-20:00. Kennsla fer fram í gegnum Zoom. Hér er um að ræða 40 klst nám sem byggt er á aðferðum hugrænnar atferlismeðferðar. Skráning og nánar um námskeiðið hér.
,,Markmið er að auka færni þátttakenda í að takast á við hamlandi líðan með því að nýta sér aðferðir hugrænnar atferlismeðferðar (HAM) í daglegu lífi. Fjallað verður um þunglyndi og kvíða, markmiðasetningu, breytta hugsun, sjálfsmat og sjálfseflingu og bakslagsvarnir."
Eldfjallafræði á mannamáli - Námskeiðið er haldið miðvikudaginn 21. febrúar frá 17-19 og verður í gegnum Zoom. Skráning og nánar um námskeiðið er hér.
,,Jarðfræðileg málefni hafa verið í ofarlega í huga landsmanna undanfarin misseri og umfjöllun um eldgos, jarðskjálfta og fleira hefur vakið forvitni margra.
Á þessu námskeiði er farið yfir grunnatriði í eldfjallafræði þar sem flókin hugtök verða færð yfir á mannamál. Farið er yfir þau helstu jarðfræðilegu ferli sem tengjast eldvirkni, allt frá efnasamsetningu og hegðun kviku yfir í öflugustu sprengigos landsins ásamt því að við lærum um eldvirkni Íslands og af hverju landið okkar sé svona lifandi og einstakt!"
Fab Lab Sauðárkrókur - Laserskurður - staðkennt - Námskeiðið er haldið 26. febrúar og 4. mars frá kl. 17:00 til 20:00. Skráning og nánar um námskeiðið hér.
,,Á þessu grunnnámskeiði í notkun á Inkscape og laserskurðarvél verður farið yfir forritið Inkscape, öryggisatriði og notkun á laserskurðarvél. Nemendur fá að takast á við mismunandi verkefni og öðlast reynslu í laserskurði."
Fab Lab Sauðárkrókur - Fusion 360 - Námskeiðið er haldið 26. febrúar og 28. febrúar frá kl. 17:30 - 20:30. Skráning og nánar um námskeiðið hér.
,,Stutt námskeið í notkun þrívíddar forritsins Fusion360. Fusion360 er sterkt þrívíddarforrit sem er þægilegt í notkun þegar kemur að tækniteikningu og uppsetningu fyrir stafræna framleiðslutækni eins og 3D prentara, fræsara og laserskurðvélar. Í þessu námskeiði teikna nemendur upp einföld verkefni."
Fleiri fréttir
-
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.