Fullt hús með ráðningu Sigríðar Ingu
Sigríði Ingu Viggósdóttur hefur verið ráðin í starf svæðisfulltrúa á svæðisstöð íþróttahreyfingarinnar á Norðurlandi vestra. Þetta er ein af átta svæðisstöðvum íþróttahreyfingarinnar um allt land.
Tveir svæðisfulltrúar eru á hverju svæði og eru þau Halldór Lárusson og Sigríður Inga á Norðurlandi vestra.
„Mér lýst rosalega vel á þetta verkefni. Við erum að gera margt gott í íþróttahreyfingunni. Það verður gaman að kynnast því góða fólki sem rekur íþróttahreyfinguna um allt land af dugnaði og ósérhlífni og sjá hvað það hefur að segja, fara yfir málin og athuga hvernig við getum gert gott starf enn betra,“ segir Sigríður Inga Viggósdóttir, sem var á dögunum ráðin í starf svæðisfulltrúa á svæðisstöð íþróttahreyfingarinnar á Norðurlandi vestra.
Með ráðningunni er lokið ráðningu allra 16 starfsmanna svæðisstöðvanna. Sigríður Inga er annar tveggja svæðisfulltrúanna á svæðinu og vinnur þar með Halldóri Lárussyni. Sigríður er Skagfirðingur í húð og hár og er búsett á Sauðárkróki. Hún er með BSc í íþróttafræði frá Háskólanum í Reykjavík og var á sama tíma í náminu og Halldór.
Sigríður Inga hefur mikla reynslu úr íþrótta- og tómstundastarfi. Hún var sviðstjóri Almenningsíþróttasviðs ÍSÍ í fjögur ár (2012–2016), skrifstofustjóri hjá KKÍ 2016–2019, verkefnastjóri Vinaliðaverkefnis 2019–2022 og verkefnastjóri frístundar hjá Skagafirði 2019–2023. Seinasta vetur var hún verkefnastjóri körfuknattleiksdeildar Tindastóls.
Sigríður Inga hóf störf í gær.
Fleiri fréttir
-
Myrkrið nálgast
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.10.2024 kl. 15.23Nú er haustið að ganga í garð, dagarnir að styttast og næturmyrkriðMeira -
Af blautu sumri | Hjalti Þórðarson skrifar
feykir.is Skagafjörður, Aðsendar greinar, Fréttir 02.10.2024 kl. 14.02Sumarið (júní-ágúst) 2024 var sérstakt og einkenndist fyrst og fremst af bleytu, sólarleysi og kulda, meiri bleytu og að lokum enn meiri bleytu. En hvernig er samanburðurinn við önnur sumur á okkar svæði? Taka skal fram að úrkoma á Norðurlandi vestra er almennt mjög lítil og á ársgrundvelli víða á láglendi um og undir 500mm og undir 400mm þar sem þurrast er og með því þurrasta hér á landi. Nokkuð meiri úrkoma er í útsveitum og svo víða mun meiri á hálendinu.Meira -
Hljómar kunnuglega ekki satt? | Hjörtur J. Guðmundsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 02.10.2024 kl. 13.57Mjög langur vegur er frá því að helztu lögspekingar landsins séu einróma í þeirri afstöðu að rétt sé að frumvarp Þórdísar Kolbrúnar Reykfjörð Gylfadóttur, utanríkisráðherra og varaformanns Sjálfstæðisflokksins, sem kennt hefur verið við bókun 35 við EES-samninginn, verði að lögum þrátt fyrir fullyrðingar stjórnvalda um annað. Frumvarpið felur sem kunnugt er í sér að bundið verði í lög að regluverk frá Evrópusambandinu sem innleitt er hér á landi í gegnum samninginn hafi forgang gagnvart innlendri lagasetningu.Meira -
Stefnt að opnun nýja laugarsvæðisins um áramótin
feykir.is Skagafjörður 02.10.2024 kl. 13.57„Stefnt er að því að nýja laugarsvæðið verði opnað um næstu áramót,“ sagði Sigfús Ingi Sigfússon, sveitarstjóri Skagafjarðar, þegar Feykir forvitnaðist um gang framkvæmda við Sundlaug Sauðárkróks.Meira -
Rafmagnslaust frá Vestfjörðum til Húsavíkur
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 02.10.2024 kl. 13.15Rafmagnslaust varð allt frá Vestfjörðum til Húsavíkur um hádegisbilið. Óhappið má rekja til Norðuráls en svo virðist sem óhapp þar hafi aukið þannig álagið á rafkerfi Landsnets að rafmagnið sló út óvenju víða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.