Einiberjagrafinn lambavöðvi

feykir.is Í matinn er þetta helst 22.04.2012 kl. 08.19

Nú eru það Edda Guðbrandsdóttir og Guðmundur Sigfússon á Blönduósi láta okkur í té uppskriftir sem sóma sér vel á veisluborðunum en veislu getum við sett upp hvenær sem er með þessum uppskriftum.

Einiberjagrafinn lambavöðvi
Með melónu og  sinnep- limesósu

1 kg. lambavöðvi (snyrtur og jafnþykkur ca. 5 cm)

  • ½ dl. sykur
  • ½ dl. gróft salt
  • 1 ½ msk. grófmalaður svartur pipar
  • 1 tsk mulin einiber

Öllu kryddinu blandað saman. Kjötið sett í plastpoka og kryddblöndunni hellt í pokann hnýtt fyrir og hrist vel saman. Eða leggið kjötið í bakka og stráið kryddblöndunni vel undir og yfir kjötið, breiðið plastfilmu yfir. Kjötið látið liggja í kæli í ca. 3-4 daga. Takið kjötið úr kælinum og skafið kryddið af og skerið kjötið í örþunnar sneiðar með beittum hníf. (Gott er að frysta kjötið og skera það í áleggshníf). Kjötið lagt í þunnum sneiðum á disk eða rúllað upp í rós. Borið fram með þunnum sneiðum af hunangsmelónu og sinnep, limesósu.

Fyllt svínalund
með sólþurrkuðum tómötum:

Fylling:

  • 6 stk sólþurrkaðir tómatar í sneiðum
  • 100 gr rifinn mozarellaostur
  • 2 stk hvítlauksrif, fínt söxuð
  • 1 stk laukur fínt saxaður
  • 80 gr nýir sveppir í sneiðum

Laukurinn og sveppirnir eru steiktir í olíu, hvítlauknum, sólþurrkuðu tómötunum og rifna ostinum bætt út í, allt þetta síðan kælt.

Kryddlögur:

  • ½ dl ólífuolía
  • ¼ dl sojasósa
  • 1 msk rósmarín, saxað

Takið sinina af lundunum.  Snöggsteikið svínalundirnar í smjöri á heitri pönnu.  Skerið svo rauf í svínalundirnar eftir endilöngu.  Setjið fyllinguna ofan í raufina, lokið með sláturgarni eða tannstönglum.  Smyrjið með kryddleginum.  Setjið í ofnskúffu og bakið í 180°C heitum ofni í ca 15 mín.

Fylltir sveppir

  • 20 stórir sveppir
  • 1 100 gr lauf gráðostur
  • 1 dl rjómi

Sveppirnir þvegnir og leggurinn tekinn af þeim. Gráðosturinn hrærður út með rjómanum og sveppirnir fylltir með blöndunni. Þeir bakaðir við 200°C í ca 5 mín.

Fylltar bakaðar kartöflur

  • 6 stk bökunarkartöflur
  • 2 stk vorlaukur
  • ¼ agúrka
  • ½ búnt dill
  • 2 msk matarolía
  • 3 msk sítrónusafi
  • salt og pipar
  • 125 gr rækjur
  • 90 gr hrein jógúrt

Bakið kartöflurnar í miðjum ofni í 60 mín við 200°C. Skerið agúrkuna eftir endilöngu og fjarlægið kjarnann með skeið. Skerið vorlauk og agúrku í litla bita eða þunnar sneiðar og klippið niður dillið. Blandið saman sítrónusafa, olíu og kryddi og hellið yfir rækjurnar og grænmetið. Skerið lok af kartöflunum þegar þær eru bakaðar og holið þær aðeins að innan með teskeið. Stappið jógúrtinni saman við ¾ hluta þess sem skafið var innan úr kartöflunum. Blandið því saman við grænmetið og rækjurnar, kryddið efir smekk, setjið fyllinguna í kartöflurnar og rétturinn er tilbúinn

Meðlæti salat að eigin ósk.

Gamaldags trifli

  • 12 makkarónukökur
  • 4 msk hindberjasulta
  • 4 msk sherrí (sætt)
  • 450 gr niðursoðnar  ferskjur

Brjótið makkarónukökurnar  niður og setið í glerskál. Setjið hindberjasultuna yfir og bleytið í með sherríinu.

Vanillukrem:

  • 2 egg
  • 50 gr sykur
  • 1 msk maísinamjöl
  • ½ vanillustöng
  • 3 ½ dl mjólk
  • skraut
  • 2 dl þeyttur rjómi
  • jarðarber

Vanillukrem:
Þeytið egg, sykur og maísinamjöl saman í þykkbotna potti, kljúfið vanillustöngina, takið kornin úr og þeytið saman við eggjahræruna. Þeytið mjólkinni saman við og látið kremið sjóða, þeytið áfram og látið kremið sjóða í nokkrar  mín. Takið pottinn af hellunni og kælið, hrærið af og til í kreminu svo ekki myndist skán. Skerið ferskjurnar niður og leggið yfir makkarónurnar, hellið kreminu því næst yfir  og skreytið með þeyttum rjóma og jarðarberjum.

A.T.H. í trifli má nota grand mariner í staðin fyrir sherrí og eplamauk eða jarðarber  í staðin fyrir hindberjasultu.

Verði ykkur að góðu

Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Ingibjörg Davíðsdóttir er oddviti Miðflokksins í Norðvesturkjördæmi. AÐSEND MYND

    Hressandi að skella sér í sjósund

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15 oli@feykir.is
    Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.
    Meira
  • Þóra Kristín í einni af fjölmörgum útsýnispásunum í Víetnam. AÐSENDAR MYNDIR

    Það sem maður veitir athygli vex og dafnar

    feykir.is Skagafjörður, Listir og menning, Lokað efni 23.11.2024 kl. 12.09 oli@feykir.is
    Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.
    Meira
  • Eldar Smári Kristinsson, oddviti Lýðræðisflokksins. AÐSEND MYND

    Ætlaði að verða prestur

    feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37 oli@feykir.is
    Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.
    Meira

  • Afmælisveisla Hvatar er einmitt í dag!

    feykir.is Austur-Húnavatnssýsla, Mannlíf, Lokað efni 23.11.2024 kl. 09.45 oli@feykir.is
    Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.
    Meira
  • Heiðdís Rós Eyjólfsdóttir, Flokki fólksins. MYND AÐSEND

    Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45 oli@feykir.is
    Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.
    Meira
Yfirlit frétta