Einelti er dauðans alvara :: Leiðari Feykis
Það er alltaf sami hausverkurinn að finna hvað skuli skrifa um í leiðara og oftar en ekki snarsnýst efnið í höndum skrifara áður en skrifum er lokið. Einhverjir kunna að halda að efnið sem tekið er fyrir hverju sinni sé útpælt og djúpt kafað í málin en hér verður mikið leyndarmál dregið fram úr skúmaskoti. Oftast nær er leiðarinn það síðasta sem ritað er í blaðið og ætíð undir tímapressu þar sem dauðalínan, eða „dead line“ upp á ástkæru enskuna, er nánast undir iljum skrifara.
Ýmislegt væri hægt að grípa í núna til að skrifa um; eineltismál, lespróf, yfirvofandi heimstyrjöld eða komandi kjarabaráttu, jafnvel erfiðleika unga fólksins við að koma þaki yfir höfuð sér. Fyrst dettur mér í hug eineltismálið, sem landsmenn hafa fylgst með í fjölmiðlum, sem er eins sorglegt og hægt er að hugsa sér. Þrettán ára stúlka, Ísabella Von, reynir sjálfsvíg eftir hrottalegt einelti annarra stúlkna á sama reki. Móðirin, Sædís Hrönn Samúelsdóttir, vekur athygli á málinu í fjölmiðlum og nær þeim árangri, a.m.k. í bili, að eitthvað virðist þokast í áttina að vopnahléi.
Móðirin hefur upplýst að eineltið hafi viðgengist í marga mánuði, án afláts, og er það umhugsunarvert hvernig á því standi. Hefur hún reynt að fá hjálp úr ýmsum áttum en ekkert gengið. Það er ekki fyrr en málið kemst í fjölmiðla sem gripið er í taumana. Þá spretta líka fram alls kyns sérfræðingar sem vita nákvæmlega hvers vegna fólk hagar sér á þennan hátt, hvernig á að tækla vandamálið og hvernig megi koma í veg fyrir að álíka hlutir gerist aftur.
Á Vísi kemur fram að líf þeirra mæðgna hafi verið tilfinningaleg rússíbanareið síðan þær stigu fram og greindu frá raunum Ísabellu en síðan þá hafi líka fjöldi ungmenna beðið Ísabellu afsökunar. Það er með hreinum ólíkindum að þetta hafi fengið að viðgangast eins lengi og raun ber vitni og allar þær eineltisáætlanir sem til eru, og ýmsar stofnanir skreyta sig með, skuli ekki virka til að stöðva svona lagað. Ég held að það sé ekki rétta leiðin að koma öllum eineltismálum, sem þarf að grípa inn í, í fjölmiðla þó þeir fagni athyglinni. En ef það er sú lausn sem virkar, þá tek ég þátt!
Góðar stundir!
Páll Friðriksson
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.