Dropinn holar steininn
Dropinn holar steininn eru upphafsorð bókunar skólaráðs Varmahlíðarskóla undir málaflokknum þróun mála á viðhaldi skólans. Miklar umræður hafa verið þegar kemur að viðhaldi og viðbyggingu við Varmahlíðarskóla undanfarin ár. Nú er það orðið ljóst að viðhald Varmahlíðarskóla er ekki á dagskrá í fjárhagsáætlun Skagafjarðar. Viðhaldi hefur stöðugt verið slegið á frest, að sögn vegna væntanlegra framkvæmda sem enn hafa þó ekki verið tímasettar en hafa lengi verið taldar í augsýn og eðli málsins samkvæmt eru vangaveltur um hvað þarf að bíða lengi eftir að þær framkæmdir hefjist.
Bókunina má lesa í heild sinni hér að neðan:
Dropinn holar steininn. Þetta máltæki er auðskiljanlegt enda flestum kunnugt hvernig vatn vinnur á hinum hörðustu efnum. Það má glöggt sjá á Varmahlíðarskóla. Þar hafa droparnir fengið að vinna sín kyrrlátu verk utanhúss en svo komist inn í hlýjuna og haldið áfram uns för þeirra hefur verið stöðvuð, en ekki hefur alltaf verið farið geyst í að tálma leiðir vatnsins.
Vatnið er ekki eini óvinur skólans. Tíminn telst einnig í þeim hópi, að minnsta kosti þegar hann vinnur af jafn mikilli hörku og hann hefur gert að undanförnu og má heyra hinn þunga nið hans. Skólahúsið var reist af stórhug og var glæsilegt, síðan eru liðin næstum 50 ár og af einhverjum völdum er það ekki jafn glæsilegt og fyrrum. Helsta ástæðan er líkast til sú að eðlilegu viðhaldi er slegið á frest, að sögn vegna væntanlegra framkvæmda sem enn hafa þó ekki verið tímasettar en hafa lengi verið taldar í augsýn. Afurð biðarinnar er hús sem hefur mjög látið á sjá. Vatn hefur fengið að vinna verk sín eins og fyrr hefur verið frá greint. Vindurinn hefur einnig fundið glufur og því gustar oft um nemendur og má nærri geta hversu frískandi það er á vetrardögum dimmum.
Eitt og annað má tilfæra sem mætti bæta eða laga en það verður látið hjá líða í bili þar sem viðhald Varmahlíðarskóla er ekki á dagskrá í fjárhagsáætlun Skagafjarðar. Þetta er þó sett fram hér til þess að minna á tilvist Varmahlíðarskóla. Einnig er þetta athugun á því hvort dropinn holi steininn einnig í óeiginlegri merkingu.
Fleiri fréttir
-
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.