Dekurdýr sem yljar hjartanu
Það eru fáir sem ekki eiga orðið gæludýr í dag en gæludýraeign hefur án efa margvísleg áhrif á okkur bæði andlega og líkamlega, sérstaklega á þessum furðulegu tímum sem við lifum í í dag. Hundar eru með vinsælustu gæludýrunum og þurfa þeir flest allir daglega hreyfingu en það á ekki við um hundinn hennar Lee Ann Maginnis, sem neitar að fara út ef það er blautt og leiðinlegt veður. Lee Ann er dóttir Jóhönnu G. Jónasdóttur, kennara í Blönduskóla, og Jóns Aðalsteins Sæbjörnssonar (Alla), eftirlitsmanns hjá Vinnueftirlitinu. Hún býr á Blönduósi ásamt syni sínum og krúttlega Pug hundinum Míu sem er mikið dekurdýr.
Hún Mía, eða Míumús eða mömmumús eins og Lee Ann kallar hana stundum, er tólf ára, lítil og dálítið kubbsleg, sterklega byggð og vöðvastælt með snúðslaga skott. Gerist ekki mikið krúttlegra, enda er íslenska þýðingin á tegundinni Kubbur.
Hvernig eignaðist þú Míu? Árið 2010 þegar ég stundaði nám við Háskólann á Bifröst þá mætti ég Míu og eiganda hennar í göngutúr. Það var bara eitthvað við Míu sem algjörlega heillaði mig. Út frá því fór ég að fara með hana reglulega í göngutúra og passa hana þegar eigandinn var í burtu. Um sumarið fór ég heim á Blönduós og ég saknaði hennar svo mikið að ég sótti hana til Reykjavíkur og fékk hana lánaða. Það endaði með því að hún var hjá mér í sex vikur. Þegar hún fór heim var ég algjörlega niðurbrotin því ég saknaði hennar svo mikið. Ég var svo heppin með það að hún saknaði mín líka mjög mikið og viku eftir að hún fór aftur til eigandans var hún flutt til frambúðar til mín.
Hvað er skemmtilegast við Míu? Hún er mjög mikil félagsvera og veitir manni alveg rosalega mikinn félagsskap. Hún er líka afskaplega uppáþrengjandi þegar maður er eitthvað lítill í sér og það er eins og hún finni það á sér. Hún gefur manni alveg afskaplega mikið og er mjög mikið dekurdýr. Svo skemmir ekki fyrir hvað hún er sæt. Ég þarf ekki annað en að horfa á hana og þá fæ ég smá hlýju í hjartað.
Hvað er erfiðast? Mér finnst mjög erfitt þegar hún er veik. Hún er orðin gömul og því fylgja reglulegar heimsóknir til dýralæknis. Hún þurfti að fara í mjög stóra aðgerð 2019 og það var ekkert vitað hvort hún myndi lifa það af. Sem betur fer gekk
aðgerðin mjög vel og hún hefur verið hin hressasta síðan.Ertu með einhverja sniðuga eða merkilega sögu af gæludýrinu? Hún vill helst ekki fara út þegar það er kalt, rigning, rok eða snjór og lætur ekkert hvað sem er yfir sig ganga. Alli fór með hana í göngutúr eitt sinn og það var frekar kalt úti. Hann var varla kominn út úr innkeyrslunni þegar Mía lagðist í jörðina og spilaði sig mjög auma. Alli hélt að hann hefði algjörlega gengið frá henni og losaði ólina. Mía áttaði sig fljótt á því að hún væri laus úr prísundinni og hljóp
eins hratt og hún gat aftur heim. Lengra ætlaði hún sér ekki að fara í það skiptið.
Feykir þakkar Lee Ann kærlega fyrir að taka þátt í gæludýraþættinum:)
Sigga sigga sigga
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.