Leiðari: Hvar er krummi?
Leiðari vikunnar er meira svona hugleiðing um hvað varð af krummanum hér á Króknum því á tal við Feykisfólkið kom ágætur áskrifandi sem hafði áhyggjur, já eða skildi ekki hvað hefði orðið af krumma. Þannig vill til að þar sem maðurinn heldur til við sín störf hafa yfirleitt verið nokkuð mörg krummapör í gegnum árin og hann fylgst með þeim og taldi, þegar mest var, um 17 pör.
Fyrir nokkrum vikum síðan hurfu sem sagt allir krummarnir sem honum þótti skrítið. Krummi er nefnilega staðfugl og heldur til í þéttbýlinu og hafa haldið til hér og þar í bænum. Ég hef t.d. séð krúttlegt krummapar hjá N1 um langt tímabil en ekki séð lengi núna. Hvað segja þeir krummavinir sem hafa verið að fara upp á Nafir að gefa þeim alls kyns matarúrgang, sem honum þykir eflaust algjört lostæti, því krummi leggur sér ýmislegt til goggs. Aðallega hræ og úrgang sem til fellur og étur í raun allt sem hann kemst í. Hafið þið orðið vör við krumma?
Ég heyrði einu sinni góða sögu frá konu hér í bæ sem fór alltaf á sama tíma og gaf krumma að borða upp á Nöfum, sem er gott og blessað, nema hvað að eitthvað fór að vera meira að gera hjá konunni sem hafði ekki tök á að fara með leifarnar til krumma upp á Nafir og hvað gerði hann þá…. Hann var mættur fyrir utan heima hjá henni og drullaði á bílinn hennar, svo móðgaður var hann yfir því að hún sinnti sér ekki. Þetta staðfestir líka hversu gáfaðir þeir eru því bílinn hennar þekkti krummi langar leiðir. En aftur yfir í hvað varð af krumma. Ég ákvað að senda fyrirspurn á nokkra aðila til að kanna hvort eitthvað hafi spurst af
dauðum hrafni hér í bæ og í grenndinni því maðurinn var með áhyggjur yfir því að hugsanlega hafa þeir drepist og það á því að gæða sér á fuglshræjum sem væru smituð af fuglaflensu, sem gæti vel verið, en enginn svör fengið við póstunum sem ég sendi.
Í dag má hins vegar skjóta krumma allt árið um kring en veiðar á honum þarf að tilkynna til Umhverfisstofnunar. Þetta vissi ég ekki því ég hélt að hrafninn væri friðaður og var því ekki búin að kanna þann möguleika. Kannski er bara einhver að skjóta þennan fallega fugl sem annað hvort virðist vera elskaður eða hataður!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.