Brauðtertusnillingar Norðurlands vestra athugið

feykir.is Skagafjörður, Austur-Húnavatnssýsla, Vestur-Húnavatnssýsla 02.07.2024 kl. 15.36 siggag@nyprent.is
Þar sem að ég veit að margir snillingar í brauðtertugerð leynast á Norðurlandi vestra er tilvalið að vekja athygli á þessari keppni. Því brauðtertunni verður fagnað sem aldrei fyrr í sumar þegar Íslandsmótið í brauðtertugerð fer fram bæði í Reykjavík og á Akureyri í þetta skiptið. Ætlar þú ekki að taka þátt?
 
Á Facbook-síðunni Brauðtertufélag Erlu og Elru segir að Sögur útgáfa standi fyrir keppninni í samstarfi við Brauðtertufélag Erlu og Erlu. Þá er hugmynd að gefa út veglega brauðtertubók sem verður án efa ómissandi í eldhúsum landsmanna þegar fram líða stundir. Sigurvegari keppninnar mun hreppa titilinn Íslandsmeistari í brauðtertugerð 2024 en einnig verða útnefndir sigurvegarar í þremur flokkum: fallegasta brauðtertan, bragðbesta brauðtertan og síðan sú frumlegasta. Verðlaunin verða ekki af verri endanum. Öllum er velkomið að taka þátt og til að sem flest áhugasöm geti verið með mun keppnin fara fram bæði í Reykjavík og á Akureyri. Þið sem hafið áhuga getið tekið frá annað hvort 14. júlí eða 21. júlí í Reykjavík, eða 28. júlí á Akureyri. Allt eru þetta sunnudagar. Úrslit verða síðan kynnt opinberlega í haust. Þau sem gera brauðtertu fyrir keppnina geta átt von á að hún endi í bókinni góðu.
 
Við munum á næstu dögum kynna vinningana og ýmislegt fleira sem tengist keppninni. Fyrirspurnir sendist á braudterta2024@gmail.com
Skráning í keppnina er HÉR. Rosalega væri gaman að sjá einhver snilling frá okkar svæði í þessari keppni. 
Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Að loknum tíu umferðum var Jordyn (t.h.) með níu M en Monica 8. MYNDIR: DAVÍÐ MÁR

    Jordyn Rhodes best í Bestu deildinni í júní

    feykir.is Skagafjörður, Íþróttir 04.07.2024 kl. 15.35 oli@feykir.is
    Mogginn hefur til margra ára gefið knattspyrnumönnum einkunnir eftir leiki í efstu deildunum. Þannig fá þeir sem hafa staðið sig vel M en þeir sem hafa átt stjörnuleik fá MM – ekki þó M&M. Nú í júnímánuði var það hin geysisterka Jordyn Rhodes, bandaríski framherji Tindastóls, sem fékk flestu M-in í Bestu deild kvenna og telst því vera besti leikmaður deildarinnar á því tímabili samkvæmt einkunnagjöf Morgunblaðsins.
    Meira
  • Rétt utan við höfnina á Króknum liggur Azamara. Hvar eru mörg a í því? MYND: ÓAB

    Á að banna komur skemmtiferðaskipa í Skagafjörð?

    feykir.is Skagafjörður 04.07.2024 kl. 13.54 oli@feykir.is
    Fyrsta skemmtiferðaskip sumarsins skreið inn Skagafjörð í þokudumbungi og norðangarra í morgun og hafði varpað akkerum um kaffileytið. Farþegar sem höfðu valið að stíga fæti á fasta jörð voru ferjaðir í land í smábátahöfninni á Króknum, vel dúðaðir og klárir í slaginn. Sumir stigu um borð í langferðabifreiðar og taka þátt í einhverjum ævintýrum í Skagafirði í dag en aðrir röltu í fjöruna eða um Krókinn.
    Meira
  • Gróf túlkun sem fékkst út úr greiningu í tengslum við frumathugun á þörfum skólahúsnæðis Háskólans á Hólum sem byggja á á Sauðárkróki. Ekki er um endanlegt útlit hússins að ræða. MYND FRÁ STOÐ VERKFRÆÐISTOFU

    Hólmfríður sér fyrir sér að framkvæmdir við háskólabyggingu á Sauðárkróki hefjist í haust

    feykir.is Skagafjörður, Austur-Húnavatnssýsla, Vestur-Húnavatnssýsla 04.07.2024 kl. 13.14 oli@feykir.is
    „Næsta mál sem er að mínu mati afar brýnt að tækla, svo Háskólinn á Hólum geti vaxið og dafnað, er að byggja upp state of the art kennslu- og rannsóknahúsnæði fyrir starfsemi skólans,“ sagði Hólmfríður Sveinsdóttir, rektor Háskólans á Hólum, í ávarpi við brautskráningarathöfn skólans snemma í júní. Feykir lagði nokkrar spurningar fyrir Hólmfríði en hún sér fyrir sér að framkvæmdir við háskólabyggingu á Sauðárkróki, sem hýsa mun Fiskeldis- og fiskalíffræðideild, hefjist strax í haust.
    Meira

  • Hekla - á Króknum í dag

    feykir.is Skagafjörður, Austur-Húnavatnssýsla, Vestur-Húnavatnssýsla 04.07.2024 kl. 09.40 siggag@nyprent.is
    Bílaumboðið Hekla verður á Króknum í dag, fimmtudaginn 4. júlí, fyrir utan Bílaverkstæði KS milli kl. 12 og 15. Þar getur fólk komið og reynsluekið nokkrar gerðir af bílum það er því um að gera að kíkja við.
    Meira

  • Yfir tuttugu verkefni hlutu styrk úr Menningarsjóði KS

    feykir.is Skagafjörður, Austur-Húnavatnssýsla, Vestur-Húnavatnssýsla 04.07.2024 kl. 09.04 siggag@nyprent.is
    Þann 29. maí sl. kom saman stjórn Menningarsjóðs KS þar sem megin markmiðið var að úthluta úr sjóðnum. Þau verkefni sem voru valin voru flest skagfirsk en húnvetnsk voru þar einnig á meðal. Má segja að þetta sé eins konar viðurkenning fyrir það að gera lífið skemmtilegra og litríkara. Menningarsjóðurinn hefur í gegnum tíðina verið með tvær úthlutanir á ári, annars vegar að vori og hins vegar um jól og var 21 verkefni úthlutað styrk í þetta skiptið. Í stjórn sjóðsins sitja Bjarni Maronsson, formaður, Þórólfur Gíslason, kaupfélagsstjóri, Einar Gíslason, Efemía Björnsdóttir og Inga Valdís Tómasdóttir.
    Meira
Yfirlit frétta