Bókakonfekt í Safnahúsinu - Svar Soffíu
Á morgun, fimmtudaginn 14. desember kl. 17.00, kynnir Benedikt Lafleur glænýjan bókmenntaviðburð og áritar þýðingu sína Svar Soffíu í Safnahúsinu á Sauðárkróki. Benedikt segir að um bókmenntaviðburð sé að ræða og jafnvel að kynjaskandal aldarinnar sé að finna í bókinni og þarft innlegg í í #Metoo umræðuna.
Bókin inniheldur tvær sögur eftir Soffíu Tolstoy, eiginkonu Leo Tolstoy, sem lágu í þagnargildi í 100 ár. „Ekki var ætlast mikið til þess að konur skrifuðu mikið á þessum tíma og ekki mátti skyggja á Leo Tolstoy, sem er einn mesti skáldajöfur allra tíma,“ sagði Benedikt um bókina í Jólablaði Feykis. „Mér finnst þessar sögur Soffíu alveg vera í sama klassa og hjá eiginmanninum, og jafnvel betri. Það eru þvílík gæði á þessum sögum.
Tildrög þessara sagna er Kreutzer Sónatan Leos Tolstoy. Hún var mjög umdeild og bönnuð í Rússlandi í upphafi en konan hans, Soffía, fór á fund ráðamanna til að freista þess að fá banninu aflétt,“ segir Benedikt. Það tókst og banninu var svo aflétt með þeim skilmálum að hún yrði gefin út í stórri heildarútgáfu sem enginn hefði efni á að kaupa. „Þeim skjátlaðist hrapalega því bókin seldist vel og varð vinsæl en um leið umdeild,“ segir Benedikt.
„Ég vil endilega reyna að vekja athygli á þessu með tilliti til allra þeirra mála sem eru að koma upp núna, kynferðislega áreitni. Þetta er akkúrat það sem Leó tekur á í bók sinni og svo Soffía sem skrifar sögur sem svar við Kreutzer sónötu eiginmannsins. Þess vegna heitir bókin Svar Soffíu.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.