Bjart framundan hjá sauðfjárbændum
Næsti bóndi er Birgir Þór Haraldsson sem er fæddur og uppalin á Sauðárkróki og býr með Hörpu Birgisdóttur frá Kornsá og saman eiga þau tvo drengi þá Ágúst Inga og Bjarka Fannar. Í dag eru þau bændur á Kornsá í Vatnsdal og þar eru 600 vetrarfóðraðar ær og 80 hross. Birgir lauk námi í grunndeild húsasmíða við FNV og Búfræðiprófi frá LBHÍ.
Birgir segir það nú samt vera skóla lífsins sem alltaf kennir manni mest. „Ég man þegar ég hóf nám við grunndeild húsasmíða og hitti Jóhann Gunnlaugson, hann sagði mér að ég myndi læra meira á fjórum dögum í vinnunni en á þessum fjórum vetrum við FNV. Það voru ýmis sannindi í því hjá Jóhanni.“
Hvernig gengur í sveitinni? „Það gengur bara vel utan við tíðarfarið en því er erfitt að stjórna,“ segir Birgir. Árið 2019 voru endurnýjuð gólf og innréttingar í fjárhúsunum og núna eru þau að byggja við fjárhúsin.
Tíðarfarið er búið að vera alls konar í sumar, hvernig er staðan hjá ykkur, var fyrri sláttur seinni í ár en fyrri ár? „Fyrri slætti er ekki lokið þetta árið, hér er engjaheyskapur eftir en það hefst af fyrir göngur,“ Spuður út í muninn á sprettunni segir Birgir sprettuna vera töluvert minni, þónokkuð hafi verið um kalbletti í túnum og féð lengur í túninu en í venjulegu ári.
Sérðu fram á minni hey? „Já það er minni heyfengur eftir sumarið en við erum ágætlega heyjuð fyrir veturinn.“
Staðan á seinni slætti? „Seinni slætti er lokið þetta árið.“
Eruð þið bjartsýn á framhaldið? „Það er bjart framundan hjá sauðfjárbændum eftir að jafnvægi komst á framboð og eftirspurn á lambakjötsmarkaði og afurðaverðið leitar upp á við í kjölfarið. Áhugi á búskap er mikill í kring um okkur og nýliðun nokkuð góð,“ segir Birgir að lokum.
Fleiri fréttir
-
Afnám tollfrelsis minni skemmtiferðaskipa þegar farið að hafa neikvæð áhrif
feykir.is Skagafjörður 19.09.2024 kl. 13.30„Höfnin hérna er búin að vera að byggja upp komur skemmtiferðaskipa til Skagafjarðar og á næsta ári var þegar búið að bóka tíu komur á Sauðárkrók og fimm á Hofsós,“ sagði Dagur Þór Baldvinsson, hafnarstjóri Skagafjarðarhafna, þegar Feykir innti hann eftir því hvort hann hefði áhyggjur af afleiðingum þess að um áramótin er stefnt að því að tollfrelsi minni skemmtiferðaskipa verði afnumið. Dagur sagðist hafa miklar áhyggjur af þessu og nú þegar hafi eitt skip afboðað komu sína vegna þessa.Meira -
Æfingaleik kvennaliðs Tindastóls frestað
feykir.is Skagafjörður, Íþróttir 19.09.2024 kl. 12.39Til stóð að kvennalið Tindastóls, sem mun stíga sín fyrstu spor í efstu deild eftir tvær vikur, ætti að spila æfingaleik við Stjörnuna í kvöld en leiknum hefur verið frestað vegna meiðsla og veikinda sem herja á hóp Tindastóls. Samkvæmt heimildum Feykis er verið að reyna að koma á koma leiknum á að nýju eftir viku en ákvörðun liggur ekki fyrir.Meira -
Héraðsbókasafn Skagfirðinga heldur upp á 120 ára afmælið
feykir.is Skagafjörður, Mannlíf 19.09.2024 kl. 11.17Héraðsbókasafn Skagfirðinga er 120 ára í ár en það var stofnað í kjölfar sýslufundar árið 1904. Síðustu tvo daga hefur verið haldið upp á tímamótin með kökuveislu á afgreiðslustöðvum safnsins; fyrst í Varmahlíðarskóla á þriðjudaginn og á Hofsósi í gær. Það verður svo hægt að gæða sér á köku í dag í höfuðstöðvum safnsins í Safnahúsinu við Faxatorg á Sauðárkróki.Meira -
Þrjú fjós í byggingu og eitt á teikniborðinu
feykir.is Skagafjörður 19.09.2024 kl. 09.40Það hlýtur að teljast til tíðinda og ekki árlegur viðburður að byggingaverktakar í Skagafirði standi í ströngu við að byggja ekki eitt heldur þrjú fjós og það fjórða er á teikniborðinu. Fyrst ber að nefna 1000 m2 fjós á bænum Ytri Hofdölum í Viðvíkursveit, 843 m2 fjós í Flugumýrarhvammi í Blönduhlíð og að lokum 1100 m2 viðbygging við fjósið sem fyrir er á Gili í Skarðshreppi hinum forna.Meira -
Stólarnir negla samning við Nesa
feykir.is Skagafjörður, Íþróttir 19.09.2024 kl. 09.28Körfuknattleiksdeild Tindastóls hefur samið við heimamanninn Hannes Inga Másson um að leika með liðinu á komandi tímabili í Bónus-deildinni. Hannes þarf vart að kynna fyrir Tindastólsfólki og það eru ákaflega ánægjuleg tíðindi að hann taki slaginn með liðinu áfram.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.