Birgitta og Elísa æfa með U16
Skagastrandarstöllurnar Birgitta Rún Finnbogadóttir og Elísa Bríel Björnsdóttir, sem brilleruðu á fótboltavellinum í sumar, hafa verið valdar til æfinga með U-16 landsliði Íslands.
Í tilkynningu á Facebook-síðu stuðningsmanna knattspyrnudeildar Tindastóls segir að Þórður Þórðarson, landslisþjálfari U-16 kvenna, hafi boðað Birgittu og Elísu í 26 mann æfingahóp sem kemur saman 8.-10. janúar. „Þær eru báðar gríðarlega efnilegar og hafa verið að spila með meistaraflokki Tindastóls seinasta tímabil, Birgitta skoraði mark Tindastóls eftir undirbúning frá Elísu á laugardag í leik við Þór/KA 2 í Kjarnafæðimótinu. Frábærar fréttir fyrir okkur að vera með leikmenn á landsliðsæfingum,“ segir í tilkynningunni.
Í færslunni er hnikkt á því að yngri landslið Íslands hafa aldrei verið eins sterk og á þessu ári og mörg hver að komast í lokakeppnir.
Kjarnafæðismótið komið í gang
Samkvæmt upplýsingum Feykis spilaði kvennalið Tindastóls við Þór/KA um helgina og mátti þola 6-1 tap. Lið Tindastóls var ágætlega skipað þó að sjálfsögðu hafi engir erlendir leikmenn verið mættir til leiks. Ef Feykir skilur rétt þá var Magga í markinu, María, Hulda, Bryndís, Lara og Katla í vörninnil, Elísa, Krista og Hugrún á miðjunni og Aldís og Birgitta frammi – en þetta gæti auðvitað verið kolrangt. Á bekknum sátu Lilla, Emelía Björk og Saga Ísey. Þá lék karlaliðið sinn fyrsta leik á æfingatímabilinu sl. föstudag og tapaði 5-0 fyrir KA en í þessu móti sameina Kormákur/Hvöt og Tindastóll krafta sína og spila undir sama hatti.
Fleiri fréttir
-
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira -
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.