Besta liðið í Bestu deildinni gaf engin grið
Stólastúlkur hafa ekki riðið feitum hesti frá viðureignum sínum gegn liði Breiðabliks í gegnum tíðina. Liðin hafa svo sem ekki mæst oft enda Blikar jafnan verið með eitt sterkasta liðið í efstu deild kvennaboltans en það er fyrst nú síðustu árin sem lið Tindastóls hefur náð þeim eftirtektarverða árangri að spila með þeim bestu. Stólastúlkur heimsóttu Blikaliðið í Kópavog nú á þriðjudagskvöldið og því miður reyndust heimastúlkur númeri of stórar fyrir okkar stúlkur sem máttu sætta sig við 4-0 tap.
Það var hin skagfirsk ættaða Agla María Abertsdóttir sem reyndist hvað erfiðust en hún gerði þrjú mörk í leiknum eftir að hafa strítt við hálfgerða markaþurrð í sumar. Blikar pressuðu lið Tindastóls hátt uppi á vellinum strax frá byrjun og uppskáru mark strax á 7. mínútu en þá lúrði Agla María á fjærstöng og renndi boltanum í markið. Vigdís Lilja Kristjánsdóttir gerði annað markið á 34. mínútu og staðan 2-0 í hálfleik.
Hafi Stólastúlkur ætlað að láta sverfa til stáls í síðari hálfleik þá runnu þau áform út í sandinn eftir einnar mínútu leik því þá var Agla María búinn að klína knettinum í sammarann hjá Melissu, frábær afgreiðsla. Hún fullkomnaði þrennuna skömmu fyrir leikslok þegar hún fékk boltann inn á teig og renndi honum í fjærhornið.
Donni þjálfari var ekki sáttur við sitt lið að leik loknum, fannst liðið ekki halda nógu vel í boltann, en benti á að lið Breiðabliks væri best spilandi liðið og besta liðið á landinu þannig að þó svo að lið Tindastóls færi í alla leiki til að vinna þá, þá hafi ekki margir reiknað með góðum úrslitum á Kópavogsvelli.
Næsti leikur Tindastóls er í Kaplakrika Hafnfirðinga en þar bíður spútniklið Bestu deildarinnar, FH, eftir Stólastúlkum. Liðin fóru bæði upp úr Lengjudeildinni síðasta haust og gerðu 0-0 jafntefli í fyrri leik liðanna í sumar. Með góðu leikplani og einbeitingu ætti að vera hægt að næla í stig á sunnudaginn. Þrátt fyrir að FH sé spútniklið deildarinnar er liðið aðeins með sex stigum meira en Tindastóll, eru í fimmta sæti með 17 stig en okkar stúlkur eru í áttunda sæti með 11 stig. Áfram Tindastóll!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.