Bara ýtt á rec og rúllað af stað – Spjallað við Eystein Ívar hlaðvarpara
Nú eru allir sem vettlingi geta valdið að ýmist varpa öndinni út um allt eða að hlusta á andvörpin – já eða hlaðvörpin. Í nútímanum geta allir verið með dagskrárvaldið en eitt er að búa til hlaðvarp og annað að fá hlustun. Feykir heyrði í gömlum kunningja, Eysteini Ívari Guðbrandssyni, sem hefur verið að gera það gott á þessum hlaðvarpsmiðum og spurði hann aðeins út í hvað hann væri að brasa á þessum síðustu og verstu.
„Heyrðu já, ég er sem sagt í tveimur hlaðvörpum sem heita Allt milli himins og fjarðar og Frekjukastið,“ segir Eysteinn og heldur áfram. „Allt milli himins og fjarðar er skemmti- og spurningaþáttur um Skagafjörð og tengjast allar spurningarnar fallega firðinum okkar og einnig fáum við til okkar fólk úr firðinum eða sem tengist firðinum. Frekjukastið myndi ég segja að væri eintómur fíflagangur hjá ungum mönnum sem hafa þekkst mjög lengi og hafa gert margt saman í gegnum tíðina.“
Hverjir eru með þér? „Við erum þrjú sem sjáum um þáttinn Allt milli himins og fjarðar; það er semsagt ég og hún Sigurlaug Vordís Eysteinsdóttir (móðir mín) sem erum þáttastjórnendur og svo er það sá sem heldur þessu öllu saman, hann Sigfús Arnar Benediktsson, sem er spurningahöfundur, stigavörður og tæknistjóri. Í Frekjukastinu erum við fjórir félagar sem sjáum um þáttinn, það er semsagt ég, Arnar Bjarki, Jóhann Friðrik og Víkingur Ævar.“
Hvar nálgast maður þessi hlaðvörp? „Hlaðvörpin er hægt að nálgast á Spotify, síðan er Allt milli himins og fjarðar útvarpaður á útvarpsstöðinni FM Trölla.“
Er mikil vinna á bak við það að setja saman hlaðvarp? „Ja, það mætti segja að það er heilmikil vinna á bak við að setja saman spurningaþátt en heiðurinn á Fúsi spurningahöfundur allan daginn með þessar frábæru spurningar. Ég myndi nú ekki segja að það væri mikill undirbúningur á bak við hinn þáttinn en það er yfirleitt bara ýtt á rec og rúllað af stað í einhverja vitleysu.“
Hvernig hefur þetta gengið? „Það má segja að þetta hafi gengið vonum framar, báðir þættirnir, að mínu mati. Það eru komnir fjórir þættir af Allt milli himins og fjarðar og mig minnir að það séu komnir sjö þættir af Frekjukastinu og við stefnum á að halda þessu áfram sem lengst, meðan við allavega höfum gaman að þessu og fólkið sem hlustar.“
Er alltaf hægt að setjast niður og spjalla? „Ja, ég myndi nú segja það, þetta er í rauninni eins og þú og ég værum að spjalla bara um veðrið í dag og hvað var í sjónvarpinu í gær, eini munurinn er að það er ýtt á rec og allt sem þú segir tekið upp.“
Hver er galdurinn við gott hlaðvarp? „Galdurinn við gott hlaðvarp... váá, þetta er góð spurning. Ætli það sé ekki að hafa gaman að því sem þú gerir, þá vonandi skilar það sér til hlustandans... en það gæti vel verið að það sé eitthvað annað... en þá á ég bara eftir að komast að því.“
Hvaða hlaðvörp hlustar þú helst á sjálfur? „Ef ég á að vera alveg hreinskilinn þá hlustaði ég ekki mikið á hlaðvörp fyrr en ég byrjaði sjálfur að gera hlaðvörp. En ég hlusta mikið á Halló Tindastóll og hef virkilega gaman að því og mæli eindregið með því, síðan hef ég gaman að alls konar viðtalsþáttum, sérstaklega að fara yfir lífið og tilveruna.“
Er eitthvað nýtt og spennandi á döfinni? „Eitthvað á döfinni segirðu, heyrðu já, það er bara vinna í félagsmiðstöðinni Húsi Frítímans og halda áfram með hlaðvörpin. Síðan í des mun ég taka þátt í tveimur jólatónleikum, Jólin heima og Jólin í Gránu, og er ég virkilega spenntur fyrir því. Annars býður yfirleitt nýr dagur upp á ný og skemmtileg verkefni sem maður tekur fagnandi,“ segir Eysteinn réttilega í lokin.
Fleiri fréttir
-
Rændi skrifblokk af miðasölumanni í Metró
feykir.is Skagafjörður, Mannlíf 19.04.2025 kl. 13.47Síðast stoppaði Dagurinn hjá Pálínu Ósk og Ísaki Einars skammt utan við Osló. Við kveðjum þau með virktum og ímyndum okkur að við röltum með bakpokann upp á veg, húkkum okkur far niður á höfn í norsku höfuðborginni og stökkvum síðan um borð í ferju á leið til Kaupmannahafnar. Siglum út lognsléttan og ofurfallegan Oslófjörð í síðdegissólinni, sofum af okkur smá velting á Norðursjónum yfir nóttina og komum síðan óstöðug af sjóriðu í land á Islands Brygge í Köben. Þar tekur Áróra Árnadóttir á móti okkur brosandi og fylgir okkur heim til sín þar sem við getum sest niður og náð áttum. Sem betur fer er stutt heim – hún býr á Islands Brygge.Meira -
Nemó FNV fer með Rocky Horror í Hof
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 19.04.2025 kl. 12.15Nemendur Fjölbrautaskóla Norðurlands vestra eru heldur betur stórhuga þetta vorið. Nemendafélagið setti upp frábæra sýningu, hryllingssöngleikinn Rocky Horror í leikstjórn Eysteins Guðbrandssonar, nú eftir áramótin og sýndi í Bifröst við góðar undirtektir eða ellefu uppseldar sýningar. Nú hefur verið ákveðið að setja upp sýninguna í Hofi á Akureyri og sýna dagana 9.-10. maí næstkomandi.Meira -
Kjóllinn týndist á leiðinni til landsins svo þau þurftu að senda nýjan af stað
feykir.is Skagafjörður, Lokað efni 19.04.2025 kl. 09.00Dagrún Dröfn Gunnarsdóttir býr á Freyjugötunni á Sauðárkróki og verður fermd í Sauðárkrókskirkju þann 19. apríl af sr. Sigríði Gunnarsdóttur. Foreldrar hennar eru Klara Björk Stefánsdóttir og Gunnar Smári Reynaldsson. Dagrún sagði Feyki frá undirbúningnum.Meira -
„Jú mamma, ég veit að þú átt fleiri sögur í líkamanum þínum“
feykir.is Skagafjörður, Lokað efni 19.04.2025 kl. 09.00Sigrún Alda Sigfúsdóttir er fædd og uppalin í Skagafirði, örverpið í stórum barnahópi þeirra Sigfúsar og Guðrúnar í Stóru-Gröf syðri. Sigrún flutti til Reykjavíkur þegar hún var 17 ára og hefur búið þar síðan. Í dag býr hún í Mosfellsbæ ásamt fjölskyldunni sinni. Sigrún er í sambúð með Arnari Jónssyni, verkefnastjóra og eiganda fyrirtækisins Parallel. Saman eiga þau þrjú börn, Rebekku Eik sem er 7 ára og tvíburadrengina Jón Ými og Sigfús Orra sem eru 4 ára. „Við Arnar ætlum loksins eftir tíu ára samband að ganga í hjónaband í sumar og ætlum að sjálfsögðu að gera það á fallegasta staðnum, Skagafirði.“ Sigrún er talmeinafræðingur sem gaf nýverið út bók sem hugsuð er til að auka orðaforða barna í gegnum sögulestur. Feykir spjallaði við Sigrúnu um nýju bókina og lífið.Meira -
Langar í Pug-hund í fermingargjöf
feykir.is Austur-Húnavatnssýsla, Mannlíf, Lokað efni 18.04.2025 kl. 19.07Rebekka Kristín Danielsdóttir Blöndal verður fermd þann 26. apríl í Blönduóskirkju. Rebekka Kristín býr á Melabrautinni á Blönduósi og eru foreldrar hennar Gígja Bl. Benediktsdóttir og Daniel Kristjánsson. Hún sagði Feyki frá undirbúningi fermingarinnar og ýmsu öðru tengt deginum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.