Baldur og Aðalsteinn verja Íslandsmeistaratitilinn
Síðast liðinn laugardag var ekin lokaumferðin í Íslandsmótinu í rallý. Eknar voru fjórar sérleiðir um Skjaldbreiðarveg og Kaldadal. Spennan var mikil því ljóst var að í lok dags myndu úrslit um Íslandsmeistaratitla ráðast í þremur flokkum, jeppa-, non-turbo- og heildarkeppninni en í þeim flokki teljast allir þeir bílar sem keppa, óháð afli og útbúnaði.
Mikið hafði rignt dagana fyrir keppni og eins var á keppnisdaginn, auk þess sem all hvasst var. Aðstæður voru því erfiðar, vegir bæði mjúkir og ósléttir en keppendur létu það ekki á sig fá enda dýrmæt stig í boði. Barist var af öllu afli en andstætt síðustu umferð var einungis ein áhöfn sem ekki lauk keppni.
Þeir félagar Baldur Haraldsson og Aðalsteinn Símonarson mættu vel undirbúnir til leiks. Var ljóst út frá stigagjöf að þeim myndi nægja sjötta sætið í lok dag til að hampa titlunum. Örlaði á léttum taugatitringi í þeirra liðsbúðum eftir hrakfarir síðustu umferðar á Skjaldbreiðarvegi en þessir þaulreyndu ökumenn drógu djúpt andann, óku af skynsemi í bland við góðan hraða og tryggðu sér þannig annað sætið. Sýndu þeir enn og aftur að ekki skal leggja eingöngu áherslu á hraðan akstur heldur þarf skynsemi og útsjónasemi að vera með í för. Með þetta í farteskinu tryggðu þeir sér Íslandsmeistaratitilinn, annað árið í röð!
Í jeppaflokki urðu Þorkell Símonarson og Anna María Sighvatsdóttir stigahæðst og því meistarar. Þess má geta að þetta er fyrsta keppnissumar Önnu Maríu og verður spennandi að fylgjast með henni á komandi keppnistímabilum.
Í flokki non-turbo sigruðu þau Baldur Arnar Hlöðversson og Hanna Rún Ragnarsdóttir eftir harða baráttu við hjónin Ólaf Þór Ólafsson og Tinnu Rós Vilhjálmsdóttur. Draumur Óla og Tinnu varð að engu eftir að dekk sprakk á þriðju sérleið. Þau Baldur og Hanna Rún létu meistaratitil ekki nægja heldur óku þau einnig til góðs, en fyrir keppni söfnuðu þau áheitum fyrir hvern ekinn kílómeter. Var það til styrktar Bleiku Slaufunni og hafa nú þegar safnast 100 þús. Hægt er að styrkja söfnunina til 21. október á reikninginn 0324-26-042709, kennitala 221294-2709.
Úrslit umferðarinnar fóru þannig að Daníel og Ásta Sigurðarbörn unnu með yfirburðar mun. Þau óku nú í fyrsta skipti á nýjum Subaru bíl sínum en í öðru sæti urðu Baldur Haraldsson og Aðalsteinn Símonarson. Í því þriðja lentu Henning Ólafsson og Árni Gunnlaugsson en þeir hafa lent í miklum hrakföllum í sumar.
/Fréttatilkynning
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.