Auknir möguleikar á gagnaveri
Vísir.is segir frá því að Greenstone ehf., félag í eigu íslendinga, hollendinga og bandarískra aðila, hafi ritað undir samning við við bandarískt stórfyrirtæki um uppbyggingu gagnavera á Íslandi. Áður hafði fyrirtækið skrifað undir viljayfirlýsingu við sveitarfélög í Austur Húnavatnssýslu um mögulegt gagnaver sem tengdist Blönduvirkjun.
Áform eru uppi um að framkvæmdir geti hafist á þessu ári og að fyrstu gagnaverin verði komið í notkun í janúar 2011.
Í tilkynningu frá Greenstone segir að fyrirtækið hafi frá árinu 2007 unnið að því að meta möguleika á því að byggja og reka gagnaver samhliða því að kanna hvort vilji sé fyrir því hjá erlendum stórfyrirtækjum að staðsetja sig hér á landi. „Aðilar þeir sem standa að baki Greenstone hafa byggt og rekið gagnaver beggja vegna atlantsála, hafa víðtæka þekkingu á þessum markaði og búa yfir getu til að sinna aðilum sem krefjast mikils öryggis á þessu sviði."
Þá segir að sú fjárfesting sem um ræðir geti numið allt að 200 milljörðum króna og krefjast gagnaverin um 300 MW orku og er möguleiki á að skapa allt að 300 ný bein störf á næstu árum auk fjölda afleiddra starfa. „Sem fyrr er forsenda þessarar uppbyggingar lagning ljósleiðara frá Bandaríkjunum til Íslands en Greenstone er í samvinnu við bandaríska fjárfesta í því efni. Samið verður við Farice um gagnatengingar frá Íslandi til Evrópu og unnið er að undirbúningi samninga um raforku og raforkuflutninga."
„Velvilji íslenskra stjórnvalda og einlægur vilji margra annarra aðila hér á landi til að ná árangri hefur komið þessu verkefni á það stig sem það nú er. Næstu vikur fara í nánari samningaviðræður og munu sérfræðingar þess fyrirtækis, sem Greenstone hefur nú samið við, koma til landsins til hitta alla aðila er að málinu koma og að ákvarða um framhaldið ásamt fulltrúum og erlendum sérfræðingum Greenstone á þessu sviði," segir að lokum í tilkynningunni.
Feykir.is sagði frá því fyrir skemmstu að gagnaver við Blönduvirkjun væri einn af fjórum möguleikum sem eftir stæðu hjá Greenstone
Fleiri fréttir
-
„Ein eftirminnilegasta gjöfin var skartgripaskrín handsmíðað af afa“
feykir.is Skagafjörður, Mannlíf, Lokað efni 20.04.2025 kl. 15.01Arndís Katla Óskarsdóttir er úr Skagafirði og býr hjá foreldrum sínum á Skógarstígnum í Varmahlíð. Mamma hennar og pabbi eru Hafdís Arnardóttir og Óskar Már Atlason og systkini hennar eru Kristófer Bjarki, Hákon Helgi og Þórdís Hekla. Arndís Katla vinnur á Dvalarheimilinu Dalbær á Dalvík. Kærastinn hennar er þaðan svo hún er duglega að rúnta á milli fjarða. Arndís Katla sagði Feyki frá fermingjardeginum sínum sem var fyrir fjórum árum.Meira -
Myndi bjóða Steinda Jr. í veisluna
feykir.is Austur-Húnavatnssýsla, Lokað efni 20.04.2025 kl. 13.00Aron Logi Svavarsson býr á Skagaströnd og verður fermdur í Hólaneskirkju þann 8. júní. Sr. Guðni Þór fermir drenginn og eru foreldrar hans Fjóla Dögg Björnsdóttir og Svavar Björnsson.Meira -
Langar að útbúa krossgátu um sjálfa sig fyrir gestina
feykir.is Vestur-Húnavatnssýsla, Lokað efni 20.04.2025 kl. 11.00Álfhildur Þórey Heiðarsdóttir býr á Bæ 1 í Húnaþingi vestra. Álfhildur fermist þann 15. júní í Prestbakkakirkju og mun sr. Magnús Magnússon sjá um ferminguna. Foreldrar hennar eru Sigrún Eggertsdóttir Waage og Heiðar Þór Gunnarsson.Meira -
Gleðilega páska!
feykir.is Skagafjörður, Austur-Húnavatnssýsla, Vestur-Húnavatnssýsla 20.04.2025 kl. 06.00Feykir óskar landsmönnum nær og fjær gleðilegra páska.Meira -
Rændi skrifblokk af miðasölumanni í Metró
feykir.is Skagafjörður, Mannlíf 19.04.2025 kl. 13.47Síðast stoppaði Dagurinn hjá Pálínu Ósk og Ísaki Einars skammt utan við Osló. Við kveðjum þau með virktum og ímyndum okkur að við röltum með bakpokann upp á veg, húkkum okkur far niður á höfn í norsku höfuðborginni og stökkvum síðan um borð í ferju á leið til Kaupmannahafnar. Siglum út lognsléttan og ofurfallegan Oslófjörð í síðdegissólinni, sofum af okkur smá velting á Norðursjónum yfir nóttina og komum síðan óstöðug af sjóriðu í land á Islands Brygge í Köben. Þar tekur Áróra Árnadóttir á móti okkur brosandi og fylgir okkur heim til sín þar sem við getum sest niður og náð áttum. Sem betur fer er stutt heim – hún býr á Islands Brygge.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.