Áskorendapenninn - Stækkandi samfélag, aukin jákvæðni og samheldni.
Freyja Ólafsdóttir skrifar:
Ég er fædd á Sauðárkróki og átti heima mína fyrstu mánuði á Tyrfingsstöðum á Kjálka í Skagafirði. Á Sauðárkróki ólst ég upp og fór út til Sviss á 18. afmælisdaginn minn.
Að vera alin upp í kaupstað í nánum tengslum við sveitina og hafa prófað að búa erlendis, hefur kennt mér víðsýni sem ég hef búið að alla mína ævi. Menningin, nálægðin og tengslin sem ég ólst upp við hefur gefið mér styrk og þor í gegnum tíðina. Það að þora, hafa metnað og vilja til þess að verða eitthvað var minn drifkraftur. Sennilega er hann þarna einhvers staðar ennþá.
Eftir að ég kom frá Sviss fór ég í matreiðslunám til Reykjavíkur en kom þó aftur stuttan tíma til Sauðárkróks þar sem eldri sonur minn fæddist. En ég vildi aftur suður að klára það sem ég byrjaði á sem ég og gerði. Eftir að hafa átt heima á stór- Reykjavíkursvæðinu í 25 ár kom ég aftur norður þá einnig búin að mennta mig til kennara. En ekki alla leið í Skagafjörðinn heldur í Austur-Húnavatnssýslu í Bólstaðarhlíð. Var ég margspurð af Skagfirðingum hvort það væri ekki erfitt að vera þarna öfugu megin við sýslumörkin. Reyndin er sú að samfélagið er meira og minna að verða að einni heild a.m.k. í mínum huga. Sveitarfélög eru að sameinast og rekstur ýmis konar þjónustu hefur runnið saman með alls kyns samstarfi meðal sveitarfélaga og fyrirtækja.
Við þegnar samfélagsins þurfum ekkert alltaf að vera sammála en umfram allt þurfum við að vera sjálfum okkur samkvæm. Í raun vilja allir sjá samfélagið sitt vaxa og dafna. Við viljum vera samfélag sem börnin okkar vilja búa áfram í, skapa tækifæri og þá möguleika á atvinnutækifærum sem þeim hugnast. Breytingar taka á en langoftast má nýta þær til hagsbóta og framfara.
Sá lærdómur sem ég hef dregið af lífinu í bæ, borg og í sveit hefur kennt mér að því betur sem náunganum vegnar, því betri verða tækifærin fyrir alla þegna samfélagsins. Ef okkur langar til að gera eitthvað, látum verða af því. Stöndum ekki í vegi fyrir auknum tækifærum með öfund, reynum heldur að fagna nýjum hugmyndum og skrefum, hvoru megin sýslumarkanna sem við erum. Oft kemur það ekki í ljós fyrr en löngu síðar hvort hugmyndir og tækifæri lifa áfram eður ei. Það hefur verið gaman að sjá miklar og jákvæðar breytingarnar hér fyrir norðan og ég hlakka til að sjá hvernig okkur tekst til í náinni framtíð.
Ég skora á Önnu Margréti Sigurðardóttur að taka við pennanum.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.