Ásgeir sendir frá sér Time on My Hands
Stórkanónur íslenskrar tónlistar eru skriðnar undan covid-teppinu og búnar að kasta efnilegum afurðum út í netheima. Björk er mætt til leiks með Fossora, Of Monsters and Men með Tíu og svo er frægasti fulltrúi Laugarbakka í Vestur-Húnavatnssýslu, hann Ásgeir Trausti, mættur með sína fjórðu breiðskífu, Time on My Hands.
Fyrir tíu árum sendi Ásgeir frá sér Dýrð í dauðaþögn, sem kom einnig út á ensku undir nafninu In Silence. Velgengni plötunnar, og algjörlega óþekkts tónlistarmannsins, var ævintýri líkust og er platan sennilega til á öðru hvoru heimili á landinu. Önnur platan var Afterglow sem kom út 2017, Sátt kom út 2020 en einnig undir nafninu Bury the Moon þar sem lögin voru sungin á ensku. Og í síðustu viku kom svo Time on My Hands.
Fyrstu lögin sem fengu að hljóma af Time on My Hands voru hinu stórfínu Snowblind (eftir Ásgeir, Guðmund Kristinn Jónsson og Pétur Ben) og Limitless (eftir Ásgeir og Pétur Ben) og í kjölfarið fylgdu Like I Am (eftir Ásgeir og Júlíus Róbertsson) og Borderland (eftir Ásgeir, Guðmund, Einar Georg Einarsson og Þorstein Einarsson). Titillagið, Time on My Hands og Vibrating Walls (eftir Ásgeir og Pétur Ben) eru falleg en hjá blaðamanni Feykis er Waiting Room (eftir Ásgeir, Einar, Pétur Ben og Þorstein) í uppáhaldi. Algjör perla.
Ásgeir og félagar hans eru á svipuðum slóðum og áður á Time on My Hands sem er góður staður að vera á. Hér er akústískur fílingur hrærður rólega saman við pínu teknótakta. Stöku sinnum er sparlega farið með brass og yfir öllu svífur þessi einstaki viðkvæmi falsettusöngur Ásgeirs. Lagasmíðarnar eru margar hverjar gullfallegar og útsetningarnar eru smart. Það má segja að tónlist Ásgeirs sé nýmóðins gamaldags – á góðan hátt.
Fleiri fréttir
-
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira -
Ég vil vera sterkur málsvari fyrir ykkur
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 09.17Það er búið að vera óendanlega gefandi vegferð að ferðast um Norðvesturkjördæmi síðastliðnar vikur. Það hefur verið magnað að heimsækja ykkur mörg og fylgjast með uppgangi nýsköpunar, frumkvöðlastarfs og vaxtar í bland við sterka og rótgróna atvinnuv...Meira -
Geymt en ekki gleymt | Leiðari 45. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 28.11.2024 kl. 08.02Það er búið að gjósa en nú á að kjósa. Já, það styttist í kjördag, hann er á laugardaginn ef það skyldi hafa farið fram hjá einhverjum, og nú verða allir sem vettlingi geta valdið að nýta atkvæðisréttinn.Meira -
Flokkur fólksins vill efla byggð um land allt! | Lilja Rafney Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 18.08Það er sameiginlegur hagur allra landsmanna að halda landinu öllu í byggð svo það gangi upp verður að tryggja aðgang íbúa að fjölbreyttri grunnþjónustu óháð búsetu og efnahaga. Það verður að tryggja að allir landsmenn sitji við sama borð og hafi jöfn tækifæri. Það er grundvöllur þess að öflugt og fjölbreytt atvinnulífi sé til staðar á landsbyggðunum og að fólk velji sér þar framtíðar búsetu.Meira -
Hefur Sjálfstæðisflokkurinn hækkað eða lækkað skatta? | Kristófer Már Maronsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 27.11.2024 kl. 15.51Sjálfstæðisflokkurinn hefur verið í ríkisstjórn frá árinu 2013 og lagt áherslu á að lækka skatta og styrkja velferðarkerfið. Þó eru til stjórnmálamenn sem reyna að halda öðru fram.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.