Ásgeir á Blönduósi á sunnudaginn
Tónlistarmaðurinn Ásgeir hefur verið á ferð um landið síðustu daga en tónleikaferðin hans, Einför um Ísland, hófst í Landnámssetrinu í Borgarnesi í síðustu viku. Ásgeir, sem eins og flestir ættu að vita að er frá Laugarbakka í Húnaþingi vestra, mætir í Félagsheimilið á Blönduósi sunnudagskvöldið 7. júlí. Tónleikarnir hefjast kl. 21 og Ásgeir tjáði Feyki að enn væri hægt að krækja í miða á Tix.is.
Þetta verða ekki einu tónleikarnir hans á Norðurlandi vestra því Ásgeir mætir á heimavöllinn sinn, Ásbyrgi á Laugarbakka, þann 20. júlí. Í gær var hann á Seyðisfirði, annað kvöld verður hann á Neskaupstað, á Húsavík á föstudag og í Hofi á Akureyri næstkomandi laugardagskvöld. Tónleikar með Ásgeiri eru einstök upplifun með hreint mögnuðum tónlistarmanni.
Í viðtali við Ásgeir sem mun birtast í Feyki nú síðar í júlí kemur m.a. fram að hann verði einn á sviðinu en ekki einn á ferð. „Gestur Sveinsson er á hljóðinu og ljósunum og kærasta mín, Karítas Óðinsdóttir, hjálpar til með ýmislegt líka. Tónleikagestir mega búast við rólegum en dínamískum tónleikum. Ég er með alls konar dót uppá sviði, þrjá gítara, hljómborg og trommuheila og hoppa á milli hljóðfæra. Þannig settið verður nokkuð fjölbreytt,“ segir Ásgeir.
Þú heimsækir sniðuga staði á sumartúrnum í ár, suma litla. Finnst þér þægilegra að koma fram á minni stöðum en stórum? „Það er að mörgu leiti þægilegra og skemmtilegra. Meiri nánd við fólk og allt verður persónulegra. Ég get hitt fólkið eftir tónleika og spjallað, náð meiri tengingu.“
Tekurðu ný lög og er ný plata á leiðinni? „Ég hef verið að spila 3-4 ný lög. Það er plata í bígerð en ekki alveg víst hvenær hún kemur út. Það er gaman að flytja nýtt efni fyrir fólk sem er að heyra lögin í fyrsta skipti,“ segir Ásgeir sem hlakkar mikið til að koma á Blönduós og spila.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.