Árskóla slitið
Föstudagskvöldið 30. maí var Árskóla slitið við hátíðlega athöfn í Íþróttahúsinu á Sauðárkróki að viðstöddu fjölmenni. Það voru nemendur í 9. og 10. bekk sem kvöddu skólann sinn, þeir yngri fram á haust en hinir eldri fyrir fullt og allt. Yngri bekkir skólans kvöddu hann fyrr um daginn.
Óskar Björnsson skólastjóri sagði í ræðu sinni að búið væri að teikna og hanna viðbyggingu við skólann og loksins sæist fyrir endann á húsnæðisvandræðum þeim sem oft væri búið að tala um í gegnum árin en framtíðarsýnin er að allt skólahald væri undir sama þaki en það fer fram í tveimur skólahúsum auk tveggja smáhúsa á lóð skólans á Freyjugötu.
Verðlaun voru veitt fyrir góðan árangur í hinum ýmsu greinum og góðar kveðjur og heilræði fengu útskriftarnemar frá Óskari sem sagði að einkennisorð skólans „lifa, leika, læra“ ættu að fylgja þeim gegnum lífið því það ætti að vera skemmtilegt og lærdómsríkt. Einnig kom fram að skólinn ætti því láni að fagna að það heldur vel á starfsfólki sínu en engar breytingar eru á starfsliði skólans fyrir utan eina unga konu úr Lýtó, eins og Óskar orðaði það, en Margrét Pétursdóttir hættir nú vegna aldurs. Var henni þökkuð vel unnin störf og verður hennar sárt saknað af samstarfsfólki og ekki síst nemendum en hún hefur starfað sem gangavörður í um áratug.
Fyrrverandi nemendur ávörpuðu gesti og voru þar á ferð tuttugu- og þjátíu ára útskriftarnemar. Minntust þeir verunnar í skólanum á skemmtilegan hátt og rifjuðu upp nokkur atvik er kitluðu hláturtaugar áheyrenda. Færðu þeir skólanum góðar gjafir sem koma ætti skólastarfinu vel.
Formaður nemendaráðs, Snæbjört Pálsdóttir, ávarpaði gesti fyrir hönd útskriftanema og gerði grein fyrir félagsstarfi vetrarins og rifjaði upp nokkur „ljóskumóment“ úr skólaferðalaginu til Danmerkur og kvaddi kennara og starfsfólk skólans.
Nemendur skemmtu gestum sínum með söng og hljóðfæraleik og uppskáru mikið lófaklapp.
Hér fyrir neðan er hægt að sjá myndir frá skólaslitunum.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.