Alveg laus við sérvisku eða hjátrú - Íþróttagarpurinn Sveinbjörn Óli Svavarsson
Í nóvember sl. var tilkynnt hverjir fengu þann heiður að vera valdir í landsliðshóp fyrir komandi verkefni hjá Frjálsíþróttasambandi Íslands. Tveir Skagfirðingar eru í þeim hópi, Ísak Óli Traustason og Sveinbjörn Óli Svavarsson. Kapparnir tveir úr Skagafirðinum eru þrautreyndir á keppnisvellinum og hafa ósjaldan staðið á verðlaunapalli.
Sveinbjörn Óli er skráður í spretthlaup/grindahlaup/boðhlaup líkt og Ísak Óli sem einnig er skráður í þrautir en hann er ríkjandi Íslandsmeistari í sjöþraut. Feykir hafði samband við Sveinbjörn Óla og birti smá viðtal í Feyki í kjölfar fréttanna en hann býr í Reykjavík þar sem hann stundar nám í íþrótta- og heilsufræði við Háskóla Íslands. Hann segir þó Sauðárkrók vera sitt heimili. Hann er af árgangi 1997 sonur Hafdísar Ólafsdóttur og Svavars Helgasonar á Sauðárkróki. Feykir hafði samband við Sveinbjörn Óla sem svaraði spurningum í Íþróttagarpi Feykis.
Íþróttagrein: -Spretthlaup 100m og 200m hlaup.
Íþróttafélag: -Hef alltaf keppt fyrir Ungmennasamband Skagafjarðar.
Helstu íþróttaafrek: -Ætli það sé ekki að vera valinn í landsliðshópinn fyrir árið 2021.
Skemmtilegasta augnablikið: -Það sem er mér ofarlega í huga er þegar ég hljóp mitt besta 100m hlaup síðasta sumar þar sem ég kom í mark á 11.04 sekúndum. Annars held ég að ég eigi ennþá skemmtilegustu augnablikin inni!
Neyðarlegasta atvikið: -Þegar mér var úthlutað allt of stórum keppnisbúningi á síðustu Reykjavíkurleikum. Þurfti að keppa í honum, og það í sjónvarpinu!
Einhver sérviska eða hjátrú? -Nei, ég held ég sé alveg laus við svoleiðis.
Uppáhalds íþróttamaður? -Christian Coleman.
Ef þú mættir velja þér andstæðing, hver myndi það vera og í hvaða grein mynduð þið spreyta ykkur? -Ég myndi skora á Jón Arnar Magnússon í golfi.
Hvernig myndir þú lýsa þeirri rimmu? -Held að sveiflan hjá honum gæti verið góð en ég myndi taka hann á greeninu!
Lífsmottó: -Góðir hlutir gerast hægt (meira að segja þegar það kemur að spretthlaupi).
Helsta fyrirmynd í lífinu: -Jóhann Björn Sigurbjörnsson liðsfélagi og vinur. Hann hefur aldrei gefist upp þótt á móti blási.
Hvað er verið að gera þessa dagana? -Læra fyrir lokaprófin og æfa.
Hvað er framundan? -Halda áfram í náminu og vonandi landsliðsferðir næsta sumar.
Eitthvað sem þú vilt koma á framfæri? -Ég er mjög þakklátur íþróttastarfinu á Sauðárkróki og þjálfara mínum Sigurði Arnari Björnssyni.
Áður birt í 46. tbl. Feykis 2020
Fleiri fréttir
-
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.