Álftgerðisbræður með styrktartónleika
Stúlkurnar í 3. flokki kvenna í knattspyrnunni hjá Tindastól stefna á utanför í sumar til að taka þátt í knattspyrnumóti. Til að eiga fyrir kostnaði hafa þær stúlkur staðið fyrir allskyns fjáröflunum í vetur. Nú á sunnudaginn á hins vegar að ráðist í það verkefni að halda tónleika og m.a. koma þar fram Álftagerðisbræður og einnig ætla stúlkurnar að syngja við undirleik Rögnvaldar Valbergssonar.
Það voru hæg heimatökin hjá stúlkunum að fá þessa frábæru tónlistarmenn til liðs við sig því Rögnvaldur og Pétur Álftagerðisbróðir eiga afastelpur í hópnum. Rögvaldur hefur verið að æfa stúlkurnar en þær ætla að syngja lögin Undir regnboganum sem Ingó veðurguð söng í undankeppni Evróvision í vetur og lagið Lífsgleði sem Álftagerðisbræður sungu einu sinni.
–Þórunn dóttir mín kom og nefndi þetta við mig og svo kom Aðalbjörg Sigfúsar og skipaði mér að gera þetta og ég þorði ekki annað en að hlýða, segir Rögnvaldur kíminn.
–Það er gaman hjálpa örlítið til, segir Pétur og telur það ekki vera nógu gróðavænlegt fyir stelpurnar að selja eingöngu klósettpappír. -Það þyrfti þá að koma upp salmonella til að græða eitthvað á því. Hvort það hafi verið erfitt að fá þá bræður til að taka þátt segir Pétur það ekki hafa verið. –Þeir brugðust vel við enda höfum við gert þetta áður. Óskar bróðir stóð í þessu sama með strákinn sinn á Akureyri. Þá sungum við fyrir hann, segir Pétur og telur að það hafi heldur ekki skemmt fyrir að afastelpan hans heldur með Man. Utd.
Tónleikarnir fara fram á sunnudaginn 22. mars í sal Fjölbrautarskólans og hefjast kl. 16.00
Fleiri fréttir
-
„Ein eftirminnilegasta gjöfin var skartgripaskrín handsmíðað af afa“
feykir.is Skagafjörður, Mannlíf, Lokað efni 20.04.2025 kl. 15.01Arndís Katla Óskarsdóttir er úr Skagafirði og býr hjá foreldrum sínum á Skógarstígnum í Varmahlíð. Mamma hennar og pabbi eru Hafdís Arnardóttir og Óskar Már Atlason og systkini hennar eru Kristófer Bjarki, Hákon Helgi og Þórdís Hekla. Arndís Katla vinnur á Dvalarheimilinu Dalbær á Dalvík. Kærastinn hennar er þaðan svo hún er duglega að rúnta á milli fjarða. Arndís Katla sagði Feyki frá fermingjardeginum sínum sem var fyrir fjórum árum.Meira -
Myndi bjóða Steinda Jr. í veisluna
feykir.is Austur-Húnavatnssýsla, Lokað efni 20.04.2025 kl. 13.00Aron Logi Svavarsson býr á Skagaströnd og verður fermdur í Hólaneskirkju þann 8. júní. Sr. Guðni Þór fermir drenginn og eru foreldrar hans Fjóla Dögg Björnsdóttir og Svavar Björnsson.Meira -
Langar að útbúa krossgátu um sjálfa sig fyrir gestina
feykir.is Vestur-Húnavatnssýsla, Lokað efni 20.04.2025 kl. 11.00Álfhildur Þórey Heiðarsdóttir býr á Bæ 1 í Húnaþingi vestra. Álfhildur fermist þann 15. júní í Prestbakkakirkju og mun sr. Magnús Magnússon sjá um ferminguna. Foreldrar hennar eru Sigrún Eggertsdóttir Waage og Heiðar Þór Gunnarsson.Meira -
Gleðilega páska!
feykir.is Skagafjörður, Austur-Húnavatnssýsla, Vestur-Húnavatnssýsla 20.04.2025 kl. 06.00Feykir óskar landsmönnum nær og fjær gleðilegra páska.Meira -
Rændi skrifblokk af miðasölumanni í Metró
feykir.is Skagafjörður, Mannlíf 19.04.2025 kl. 13.47Síðast stoppaði Dagurinn hjá Pálínu Ósk og Ísaki Einars skammt utan við Osló. Við kveðjum þau með virktum og ímyndum okkur að við röltum með bakpokann upp á veg, húkkum okkur far niður á höfn í norsku höfuðborginni og stökkvum síðan um borð í ferju á leið til Kaupmannahafnar. Siglum út lognsléttan og ofurfallegan Oslófjörð í síðdegissólinni, sofum af okkur smá velting á Norðursjónum yfir nóttina og komum síðan óstöðug af sjóriðu í land á Islands Brygge í Köben. Þar tekur Áróra Árnadóttir á móti okkur brosandi og fylgir okkur heim til sín þar sem við getum sest niður og náð áttum. Sem betur fer er stutt heim – hún býr á Islands Brygge.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.