Aldrei fleiri útskrifast á einu ári
Brautskráning Háskólans á Hólum að hausti fór fram föstudaginn síðastliðinn, 11. október og hafa aldrei verið fleiri brautskráningar að hausti en nú. Alls voru 50 nemendur brautskráðir að þessu sinni. Í vor voru brautskráðir 43 nemendur svo þetta er metfjöldi.
Af þeim sem brautskráðust núna voru 32 frá fiskeldis- og fiskalíffræðibraut. Þar af luku 27 diplomanámi í fiskeldi og 5 luku meistaranámi í MarBio, sem er samnorrænt nám um framleiðslu og nýtingu sjávarafurða. Einnig voru 18 brautskráðir frá ferðamáladeild. Þar af luku tveir diploma í ferðamálafræði, ein lauk BA í stjórnun ferðaþjónustu og móttöku gesta og ein lauk MA í ferðamálafræði. Einnig voru 14 brautskráð frá ferðamáladeild úr meistaranámi NOFRI, sem er samnorrænt nám í útvistarfræði, en þeirra brautskráningarathöfn fór fram við samstarfsháskóla í Noregi í sumar. Nemar hestafræðideildar brautskrást flestir að vori og því var ekki verið að brautskrá nema frá þeirri deild núna.
Alla jafna eru nemendur fiskeldis- og fiskalíffræðideildar fjölmennastir við haustbrautskráningar eins og einnig var að þessu sinni, en deildin var þar að auki í sviðsljósinu núna vegna þess að um þessar mundir eru liðin 40 ár frá því að nám í fiskeldi hófst á Hólum. Tumi Tómasson, sem áður kenndi við skólann, hélt erindi um upphaf kennslu í fiskeldisfræði og einnig hélt Eva Kuttner, lektor við Háskólann á Hólum, erindi um stöðu fiskeldis í dag. Að athöfn lokinni bauð háskólinn upp á veglegar kaffiveitingar.
Það var ánægjulegt að sjá hversu mörg sáu sér fært að fagna deginum þrátt fyrir snemmtæka vetrarkomu og við óskum öllum brautskráðum nemum til hamingju með áfangann.
Fleiri fréttir
-
Opnað fyrir umsóknir um styrki til að fjölga óstaðbundnum opinberum störfum á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla 16.10.2024 kl. 15.25Opnað hefur verið fyrir umsóknir um styrki til að fjölga óstaðbundnum opinberum störfum á landsbyggðinni. Ríkisstofnanir geta sótt um styrki til að ráða í óstaðbundin störf á þeirra vegum utan höfuðborgarsvæðisins. Veittar verða allt að 150 milljónir kr. í þessum tilgangi af byggðaáætlun.Meira -
Flunkunýr Feykir kominn út
feykir.is Skagafjörður, Austur-Húnavatnssýsla, Vestur-Húnavatnssýsla 16.10.2024 kl. 15.08Það klikkaði ekki í morgun frekar en allflesta miðvikudag1 að Feykir kom ylvolgur úr prentun í Hafnarfirði. Blaðið er í klassísku 12 síðna Feykis-broti og prentað í fjórlit. Að þessu sinni er opnuviðtalið við Óla Björn Pétursson sem auk þess að starfa í Mjólkursamlagi KS rekur filmufyrirtækið Filmbase á Króknum.Meira -
Tímalaus klassík í Bifröst
feykir.is Skagafjörður, Austur-Húnavatnssýsla, Vestur-Húnavatnssýsla 16.10.2024 kl. 14.00Leikfélag Sauðárkróks frumsýndi í gær þriðjudaginn 15. október, Ávaxtakörfuna eftir Kristlaugu Maríu Sigurðardóttur, í leikstjórn Sigurlaugar Vordísar Eysteinsdóttur en tónlistin í verkinu er eftir Þorvald Bjarna Þorvaldsson. Ávaxtakarfan er orðin að tímalausri klassík á Íslandi og gaman frá því að segja að í ár eru 20 ár síðan Leikfélag Sauðárkróks setti Ávaxtakörfuna á svið.Meira -
Víða hálka á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 16.10.2024 kl. 13.50Það voru kannski fleiri en blaðamaður Feykis sem trúði því ekki að skipta þyrfti um dekk á bílnum alveg strax og áttu jafnvel von á því að þetta tæki stutt af og færi jafn hratt og það kom. Skemmst er frá því að segja að bíllinn minn á tíma í dekkjaskipti á morgun og stóð tæpt að blaðamaður kæmist til vinnu í morgun, slík var hálkan að heiman til vinnu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.