Ævintýraleg vika í Berlín
Stuðningsmenn landsliðsins í körfu stóðu á öndinni er þeir fylgdust með Íslandi fara á kostum á Evrópumótinu í körfu, Eurobasket 2015, í Berlín 5.-10. september. Liðið hafði verið dregið út í svokölluðum „dauðariðli“ og kepptu á móti sterkustu liðum heims. Menn þorðu ekki að gera sér miklar væntingar en þrátt fyrir að íslenska liðið tapaði öllum leikjum sýndu þeir og sönnuðu að þeir áttu fullt erindi á meðal þeirra bestu. Feykir ræddi við landsliðsmanninn Axel Kárason frá Sólheimum í Blönduhlíð og Rúnar Birgir Gíslason, einn úr hópi skagfirskra áhorfenda, í umfjöllun um Eurobasket í Feyki vikunnar.
„Tyrklandsleikurinn var svo lokalagið. Það var nokkuð lýsandi fyrir þennan hóp að þrátt fyrir að vera ákveðnir í því að sækja sigur og gefa okkur alla í leikinn, þá gátu menn ekki stillt sig um að vera með smávegis glens áður en við gengum inn á völlinn hálftíma fyrir leik (sem ég get því miður ekki rakið nánar hér) sem meira að segja fékk starfsfólk hallarinnar til að skella upp úr. Þegar inn á völlinn var svo komið, undir laginu „Leiðin okkar allra“ með Hjálmum, voru menn mættir vinnuna,“ segir Axel í viðtali við Feyki.
Hann segir að sama hafi verið upp á teningnum í þeim leik og fyrstu tveimur, sú einkennilega tilfinning að vera svekktur með tap í framlengingu gegn jafn sterkri þjóð. Eftir æsispennandi leik, sem endaði með framlengingu, urðu úrslit 111-102 Tyrkjum í vil.
„Ef þessi leikur var lokalagið, má segja að stundin sem við áttum svo með áhorfendum eftir leikinn hafi verið uppklappslagið. Þó að þeir Íslendingar sem fylgdu okkur út hafi allir staðið sig eins og hetjur, þá var það auðvitað ennþá skemmtilegra fyrir mig að sjá Skagfirðinga í stúkunni,“ segir Axel.
Stuðningsmenn annarra liða farnir að öskra „Áfram Ísland“
„Fólk sem er ekki endilega vant að sitja upp í stúku en á Ítalíuleiknum gerðist eitthvað, þetta fólk söng, gargaði, klappaði og hvatti eins og ein stór heild. Eftir það var ekki aftur snúið og hópurinn varð bara þéttari og þéttari, auk þess sem stuðningsmenn annarra liða voru farnir að öskra Áfram Ísland. Í lokaleiknum kom svo einn úr trommusveit Þjóðverja með sjö trommur til að lána Íslendingum, auk þess sem hann trommaði með,“ segir Rúnar þegar hann rifjar upp þær ólýsanlegu stundir sem þarna urðu til, þá sérstaklega þegar lagið „Ferðalok“ var sungið eftir síðasta leikinn.
Viðtalið við Axel og Rúnar, auk fleiri mynda frá Rúnari, má sjá í Feyki vikunnar.
Fleiri fréttir
-
Gallup mældi Miðflokkinn stærstan í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 16.58Síðustu könnunar Gallup fyrir þingkosningarnar var beðið með nokkurri óþreyju í gær og hún birtist seint og um síðir. Alls voru það 169 manns sem svöruðu í Norðvesturkjördæmi, sem er ekki stórt hlutfall, en alls voru það 2077 sem svöruðu könnuninni á landsvísu. Niðurstaðan í NV-kjördæmi var sú að sex flokkar fá einn þingmann og síðan er spurning hver hlýtur uppbótarþingmanninn. Miðflokkurinn, sem hefur dalað nokkuð á landsvísu síðustu daga, mælist stærstur í kjördæminu með 18,6% fylgi.Meira -
Drama og dómarakonsert í dúndurleik í Síkinu
feykir.is Skagafjörður, Íþróttir, Lokað efni 30.11.2024 kl. 16.20Í gærkvöldi mættust lið Tindastóls og Álftaness í Síkinu í áttundu umferð Bónus-deildarinnar. Leikurinn varð hin mesta skemmtun en kannski full mikið drama fyrir þá sem innlifaðistir eru. Benni þjálfari Stóla og Drungilas urðu báðir að yfirgefa Síkið áður en fyrri hálfleikur var úti eftir nettan flautukonsert dómaratríósins – sem sumum þótti þó pínu falskur. Bæði lið sýndu frábæra takta en það voru heimamenn sem reyndust sleipari á svellinu, voru ákafari og lönduðu sætum sigri. Lokatölur 109-99.Meira -
Kosið til Alþingis í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 15.19Það er kosið til Alþingis í dag. Allir vegir á Norðurlandi vestra eru færir, í það minnsta sem stendur, en víða hálka. Víða er þó éljagangur eða skafrenningur. Reikna má með svipuðu veðri áfram út daginn, norðaustan 10-13 m/sek og lítils háttar snjókomu.Meira -
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.