Ævintýraleg jól í Austurlöndum fjær
Í desember á síðasta ári fóru félagarnir Hallgrímur Eymundsson frá Saurbæ í Skagafirði og Rúnar Björn Herrera frá Sauðárkróki, ásamt Önnu Dóru kærustu Rúnars, í ógleymanlega skemmtiferð til Asíu þar sem þeir eyddu hátíðunum. Þau ferðuðust til Bangkok, Hua Hin og Chiang Mai í Norður Tælandi, og einnig til Kambódíu. Undirbúningurinn fyrir ferðina tók um hálft ár en þau voru erlendis í einn mánuð, heimsóttu ótal staði og héldu stífa dagskrá, milli þess sem þau nutu lífsins. Blaðamaður Feykis tók félagana tali og fékk að heyra ferðasöguna.
„Anna Dóra hafði verið skiptinemi í Tælandi og var lengi búið að dreyma um að fara með mér þangað. Við fórum að tala um þetta og ákváðum að skella okkur,“ útskýrir Rúnar, aðspurður um hvernig það kom til að þau ákváðu að skella sér í reisuna. Anna Dóra sá um skipulagningu ferðarinnar en taka þurfti tillit til aðgengismála þar sem félagarnir notast báðir við hjólastól. Þau nýttu sér ferðaskrifstofur sem sérhæfa sig í ferðum fyrir hreyfihamlað fólk, t.d. var það hreyfihamlaður maður sem rak gistinguna sem þau voru í á Chiang Mai og í Hua Hin gistu þau í húsi fatlaðs manns, en því fylgdi bílstjóri og bíll með rampi. Þá voru leiðsögumennirnir, sem fóru með þau út um hvippinn og hvappinn, með aðgengismál þeirra staða sem farið var á á tæru áður haldið var af stað.
„Við fórum talsvert víða. Vinnufélaga mínum, sem bjó í Tælandi í mörg ár, leist ekkert á þetta plan hjá okkur því honum fannst það alltof viðamikið. En þetta gekk allt upp stóráfallalaust,“ segir Hallgrímur og brosir.
Ferðalagið frá Íslandi tók 20 klukkustundir, flogið var í gengum Noreg beint til Bangkok í Tælandi og þaðan var þeim ekið á fyrsta viðkomustaðinn, Hua Hin. Þar segir Rúnar að sér hafi liðið sérlega vel, þar var veður gott, hvorki of heitt né kalt. „Ég elska sól og blíðu. Það var oft heitt en það er þægilegra en að vera of kalt,“ segir hann.
Hallgrímur lýsir Hua Hin sem fallegum strandbæ. Við ströndina er hátt fjall og á toppi þess eru gamlar hofrústir með ótal buddha styttum, en þar eru líka heimkynni tugþúsunda apakatta. Hallgrímur rifjar upp þegar þeir keyptu ís sem hægt var að kaupa við hofið og þá þyrptust að þeim ótal litlir apar sem vildu fá ís.
Viðtalið við Hallgrím og Rúnar í heild sinni má lesa í Jólablaði Feykis sem kom út sl. fimmtudag.
Fleiri fréttir
-
Jólatónleikar Tónlistarskóla Austur-Húnvetninga
feykir.is Austur-Húnavatnssýsla, Listir og menning, Lokað efni 26.11.2024 kl. 16.07Tónlistarskóli Austur-Húnvetninga heldur sína árlegu jólatónleika í desember. Um er að ræða þrenna tónleika sem fara fram í Blönduóskirkju og Hólaneskirkju.Meira -
Sungið af hjartans lyst
feykir.is Skagafjörður, Listir og menning, Lokað efni 26.11.2024 kl. 12.06Senn kemur út bókin Sungið af hjartans lyst en þar skráir Sölvi Sveinsson sögu Friðbjörns G. Jónssonar söngvara. Það er Sögufélag Skagfirðinga sem gefur bókina út. Feykir lagði nokkrar spurningar fyrir Sölva í tilefni af útgáfu bókarinnar og byrjaði að biðja hann um að segja deili á viðfangsefninu.Meira -
Nemendur FNV á faraldsfæti
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 11.55Dagana 13.-17. nóvember fór hópur nemenda frá FNV til Uherské Hradiště í Tékklandi í Eramsus+ ferð. Í frétt á vef FNV segir að um hafi verið að ræða hluta af verkefninu INCLUSION: A human right and opportunity for all (Mannréttindi og tækifæri fyrir alla) þar sem áhersla er lögð á stuðning og samleið þeirra sem þurfa stuðning vegna ýmissa þátta, líkt og að nota hjólastól, skerðing á sjón eða heyrn, sem og aðrar andlegar eða líkamlegar skerðingar.Meira -
Vilt þú breytingu á stjórn landsins? | Hannes S. Jónsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.11.2024 kl. 11.13Á laugardaginn kjósum við okkur sextíu og þrjá einstaklinga til að setjast á Alþingi næstu fjögur árin, nýja forystu fyrir landið okkar. Stóra spurningin sem hvert og eitt okkar þarf að spyrja sig að, viljum við breytingar við stjórn landsins eða viljum við óbreytt ástand.Meira -
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.