Ættleiddu marhnút í Sauðárkrókshöfn
Hjónin Kári og Ingibjörg á Sauðárkróki riðu á vaðið í átakinu „Ættleiddu marhnút“ á dögunum og ættleiddu marhnút sem sannarlega má telja til ófrýnilegri fiska sjávar.
Átakið fór formlega af stað fyrir 5 árum og var markmiðið með því að sýna þessum ljóta fiski þá virðingu sem hann á skilið að sögn aðstandenda. Enginn hefur hins vegar ættleitt marhnút fyrr en núna þegar þau Kári og Ingibjörg stíga fram og taka þátt í átakinu.
En hvað varð til þess að þau ákváðu að gera þetta? – Við rákumst á þetta átak af tilviljun á netinu og heilluðumst strax af því. Það kom okkur í opna skjöldu að enginn hafði stigið þetta skref að ættleiða marhnút og því ákváðum við að vera fyrst til þess, með von um að aðrir fylgi á eftir.
Þau Kári og Ingibjörg ættleiddu marhnút í höfninni eins og áður sagði. Þau vitja hans daglega, gefa honum góðan mat og svo fá þau að taka hann heim með sér um helgar. – Við útbjuggum sérstakt búr heima í stofu og þangað leyfum við honum að koma um helgar. Hann virðist taka þessu vel, er mjög líflegur og kátur þegar hann er heima og svo á mánudagsmorgnum þegar við förum í vinnu, förum við með hann aftur út á höfn, þar sem hann leikur sér daglangt við félaga sína.
Marhnúturinn er orðinn mjög gæfur segja þau hjón og kemur hann alltaf syndandi til þeirra þegar þau kalla á hann. – Við köllum hann bara Marra, okkur finnst það skemmtilegt og viðeigandi nafn, segja þau Kári og Ingibjörg kampakát að lokum í spjallinu við Dreifarann.
Til fróðleiks má geta þess að marhnútur hefur einnig gengi undir nöfnunum marsi, marsadóni, mörúlfur eða púi. Nánar má lesa um átakið á vefsíðunni púi.is.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.