Aðför að smábátaútgerð á Sauðárkróki | Magnús Jónsson skrifar
Á félagsfundi í Drangey - smábátafélag Skagafjarðar var eftirfarandi samþykkt gerð einróma:
„Félagsfundur Drangeyjar-smábátafélags Skagafjarðar haldinn 9. júní 2024 skorar á FISK Seafood á Sauðárkróki að falla frá kæru (kvörtun) sinni frá 11. mars 2024 sem fyrirtækið lagði fram í matvælaráðuneytinu gegn tillögum sveitarstjórnar Skagafjarðar um úthlutunarreglur fyrir byggðakvóta í Skagafirði 2023-2024. Þessi kæra, sem valdið hefur margra mánaða seinkun á úthlutun byggðakvóta, er aðför að útgerðum smábáta á Sauðárkróki og getur valdið því að sumar þeirra leggist af.
Það veldur undrun félagsmanna Drangeyjar að eitt stærsta útgerðarfélag landsins með um 21.000 þorskígildistonna aflaheimildir skuli ásælast 140 tonna byggðakvóta sem á liðnum árum hefur að mestu leyti farið til útgerða smábáta á Sauðárkróki.”
Þessi samþykkt var samdægurs send framkvæmdastjóra og stjórnarformanni FISK-Seafood og nú liggur fyrir að engin viðbrögð eða svör hafa borist frá fyrirtækinu við henni.
Forsaga þessa máls er að á síðustu 15 árum eða svo hefur nokkur byggðakvóti (ca. 140 tonn) komið í hlut Sauðárkróks. Hefur honum verið úthlutað að mestu (ca.90%) til smábáta, þökk sé velvilja sveitarstjórnar Skagafjarðar í garð útgerða þeirra. Hefur hún öll þessi ár sent matvælaráðuneytinu tillögur um hvernig þessum kvóta skuli skipt. Engar athugasemdir hafa komið frá stórfyrirtæki staðarins FISK Seafood fyrr en 11. febrúar sl., er lögfræðingur félagsins Friðrik J. Arngrímsson krafðist þess að ráðuneytið samþykkti ekki þessar tillögur sveitarstjórnar. Málið hefur síðan velkst um í ráðuneytinu í næstum fimm mánuði en oftast hefur Fiskistofa verið búin að afgreiða umsóknir einstakra útgerða um byggðakvóta á grundvelli tillagna hinna ýmsu sveitarfélaga í febrúar-apríl.
Undirritaður var boðaður á fund byggðarráðs Skagafjarðar þ. 26. þ.m [júní]. Á fundinum kom fram að allar líkur væru á að sérreglum sveitarstjórnar yrði hafnað miðað við samtöl við embættismenn ráðuneytisins. Þannig má segja að ráðuneytið hefði orðið við kröfu FISK. Því óskaði ráðuneytið eftir nýjum tillögum frá sveitarstjórn um skiptingu byggðakvótans og eru þær nú að finna í fundargerð byggðaráðs frá þessum fundi, sjá: https://www.skagafjordur.is/is/fundargerdir/byggdarrad-skagafjardar/5465.
Ljóst er að verði þær samþykktar mun stór hluti byggðakvótans falla í hlut FISK Seafood en verði þær ekki samþykktar mun minna en 1% af byggðakvótanum koma til skipta hjá smábátaflotanum. Á hvorn veginn sem það fer er ljóst að hér verður um mikið áfall fyrir smábátaútgerð á Sauðárkróki að ræða, enda hefur byggðakvótinn skilað a.m.k. 30% af aflaverðmætum þessara 12-15 smábáta sem gerðir eru út frá staðnum. Rétt er að benda á að almenni byggðakvótinn er hluti af svokölluðum 5,3% potti sem er notaður í strandveiðar, frístundaveiðar sem og línuívilnun og hefur því að mestu verið veiddur af smábátum. Hefur SFS í háðungarsskini kallað þennan pott „félagslegan“ þátt fiskveiðistjórnunarkerfisins. Nú sækir FISK Seafood á þessi mið en þessi 140 tonn eru um 0,7% af aflaheimildum fyrirtækisins. Er þetta gert í andstöðu við sveitarstjórn Skagafjarðar en með stuðningi og velvilja ráðuneytis undir stjórn Vinstri grænna. Það hljómar vel við stefnu þess flokks eða hitt þá heldur en þar segir: „Standa þarf vörð um hagsmuni minni sjávarbyggða, smábáta og minni útgerða… og festa þarf strandveiðar enn betur í sessi … “ !
Magnús Jónsson
formaður Drangeyjar - smábátafélags Skagafjarðar
Fleiri fréttir
-
Elísa Bríet er íþróttamaður ársins hjá USAH
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.21Elísa Bríet Björnsdóttur, fótboltakona frá Skagaströnd, var í gær kjörin íþróttamaður ársins 2024 hjá Ungmennasambandi Austur-Húnvetninga. Kjörinu var lýst við hátíðlega athöfn í Félagsheimilinu á Blönduósi að viðstöddu fjölmenni. Elísa leikur með meistaraflokki Tindastóls. Hún gerði fyrr á árinu þriggja ára samning við félagið og hefur staðið sig frábærlega, segir á huni.isMeira -
María Dögg Jóhannesdóttir Íþróttamaður Skagafjarðar
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.19Árleg uppskeruhátíð UMSS var haldin hátíðleg fimmtudagskvöldið 19. desember í Húsi frítímans að viðstöddu margmenni. Þar voru veitt hvatningarverðlaun fyrir ungt og efnilegt íþróttafólk, styrkir veittir úr Afrekssjóði UMSS og landsliðsfólki UMSS veittar viðurkenningar. Hápunktur hátíðarinnar var þegar lið ársins, þjálfari ársins og íþróttamaður ársins voru tilkynnt og að þessu sinni var kvennalið Körfuknattleiksdeildar Tindastóls valið lið ársins. Finnbogi Bjarnason var valinn þjálfari ársins og Íþróttamaður ársins í Skagafirði 2024 er María Dögg Jóhannesdóttir frá Knattspyrnudeild Tindastóls en hún hefur leitt lið Tindastóls í efstu deild þar sem Tindastóll er komið til að vera.Meira -
Húnaþing vestra tekur þátt í rafrænu geðheilsuátaki
feykir.is Skagafjörður, Austur-Húnavatnssýsla, Vestur-Húnavatnssýsla 20.12.2024 kl. 09.15Húnaþing vestra hefur gert samkomulag við Mental ráðgjöf um þátttöku í rafrænu geðheilsuátaki sem nær til starfsfólks sveitarfélagsins. Á vefnum huni.is segir að sveitarfélagið sé fyrsti vinnustaðurinn á Íslandi til að taka rafræna átakið í notkun, að því er segir á vef þess. Með þátttökunni vill það sýna skýra skuldbindingu sína til að setja geðheilbrigði á vinnustað rækilega á dagskrá með því að auka vitund og veita fræðslu um geðheilbrigði fyrir allt starfsfólks sveitarfélagsins. Hjá Húnaþingi vestra starfa um 115 manns á níu starfsstöðvum.Meira -
Rótarýklúbbur Sauðárkróks lætur gott af sér leiða
feykir.is Skagafjörður 19.12.2024 kl. 12.04Rótarýklúbbur Sauðárkróks heldur áfram að láta gott af sér leiða og afhenti nýlega Fjölskylduhjálp Skagafjarðar kr. 1.000.000.-Meira -
Höfðinglegur styrkur Gæranna á árinu
feykir.is Skagafjörður, Austur-Húnavatnssýsla, Vestur-Húnavatnssýsla 19.12.2024 kl. 09.18Nytjamarkaðurinn á Hvammstanga er mörgum af góðu kunnur. Hann er rekinn af Gærunum, vöskum hópi kvenna sem hafa lagt áherslu á að gefa aftur út í samfélagið til hinna ýmsu framfaramála þann ágóða sem er af rekstri markaðarins. Slagorð þeirra er „Eins rusl er annars gull“. Eru það orð að sönnu því á árinu sem er að líða gáfu þær líkt og fyrri ár gjafir til stofnana sveitarfélagsins af miklum rausnarskap, segir á heimasíðu Húnaþings vestra.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.