Aðalfundur kjördæmisráðs Samfylkingarinnar í Norðvesturkjördæmi
Aðalfundur kjördæmisráðs Samfylkingarinnar í Norðvesturkjördæmi var haldinn í Bjarkarlundi 2.5. s.l. Fundurinn ályktaði um mikilvægi sveitarstjórnarstigsins sem stendur almenningi næst, virðingu fyrir verkefnum og valdsviði sveitarstjórna. Fundurinn ítrekaði einnig mikilvægi jafnréttis, samfélag okkar þarf á fjölbreyttum kröftum allra samfélagshópa að halda.
Kjördæmisráðið ítrekar þá stefnu sína að stemma stigu við fjárútlátum og auglýsingum frambjóðenda og er stolt af frumkvæði Samfylkingarinnar í að upplýsa um fjármál sín. Þeir stjórnmálaflokkar og stjórnmálamenn sem hunsa réttmætar kröfur um að hafa allt uppi á borðinu meðan aðrir hafa gert hreint fyrir sínum dyrum, brjóta með því á rétti almennings til að taka upplýsta afstöðu og ógna þannig lýðræðinu.
Byggðastefna verður að taka til landsins alls og stuðla að jafnvægi í atvinnu- og byggðamálum. Atvinnugreinarnar byggja á sameiginlegum auðlindum þjóðarinnar sem eru í þjóðareigu og þeim ber að ráðstafa með hag almennings að leiðarljósi gegn sanngjörnu gjaldi notenda.
Fundurinn lýsir stuðningi við þingmenn sína og ríkisstjórn, sem hefur unnið gott starf við erfiðar aðstæður. Fundurinn skorar á þing og þjóð að halda uppbyggingunni áfram af bjartsýni og jákvæðni, með það leiðarljós býður Samfylkingin fram krafta síns fólks í sveitarstjórnum í Norðvesturkjördæmi.
Fleiri fréttir
-
Undirbúningur fyrir byggingu menningarhúss þokast nær markinu
feykir.is Skagafjörður, Listir og menning, Lokað efni 25.03.2025 kl. 16.09Feykir spurðist fyrir um stöðuna á hönnun á langþráðu menningarhúsi sem stefnt er á að rísi við hlið Safnahúss Skagfirðinga við Faxatorg, Það vita flestir að beðið hefur verið lengi eftir að framkvæmdir geti hafist og að sögn Sigfúsar Inga Sigfússonar sveitarstjóri er forvali vegna útboðsins "Menningarhús í Skagafirði - Hönnun nýbyggingar og endurbóta á eldra húsnæði" nú lokið.Meira -
Fésbókarsíðan Skín við sólu fimm ára
feykir.is Skagafjörður, Mannlíf, Lokað efni 25.03.2025 kl. 13.22Skagfirska fésbókarsamfélagið sem kallast Skín við sólu heldur upp á fimm ára afmælið þessa dagana. Það var snillingurinn Ómar Bragi Stefánsson sem setti síðuna á flot í upphafi Covid-faraldursins í mars 2020 þegar fólk fór vart á fætur nema kyrfilega sprittað, dúðað og með andlitsgrímu og beið síðan óþreyjufullt eftir fréttum frá þríeykinu sem lagði Íslendingum línurnar næstu tvö árin.Meira -
Undirritun á samningi vegna Orkuskipti í Húnaþingi vestra
feykir.is Austur-Húnavatnssýsla, Vestur-Húnavatnssýsla, Lokað efni 25.03.2025 kl. 13.15Á dögunum var undirritaður samningur milli Samtaka sveitarfélaga á Norðurlandi vestra (SSNV) og Húnaþings vestra fyrir verkefnið Orkuskipti í Húnaþingi vestra sem hlaut 7,2 milljóna kr. styrkveitingu. Það voru þær Unnur Valborg Hilmarsdóttir sveitarstjóri og Sveinbjörg Rut Pétursdóttir framkvæmdastjóri SSNV sem undirrituðu samninginn en SSNV er umsjónaraðili fjárveitingarinnar fyrir hönd Byggðastofnunar.Meira -
Hvernig hljómar íbúðabyggð á Nöfunum?
feykir.is Skagafjörður, Lokað efni 25.03.2025 kl. 11.49Opnaður hefur verið verkefnavefur þar sem hægt er að kynna sér vinnslutillögu endurskoðunar aðalskipulags Skagafjarðar 2025-2040. Kynning vinnslutillögu er fram til 25. apríl nk. Á vef Skagafjarðar segir að markmið með gerð verkefnavefsins sé að kynna vinnslutillögu nýs aðalskipulags vel fyrir íbúum og öðrum hagsmunaaðilum.Meira -
Skagaströnd segir sig frá aðild að Heimilisiðnaðarsafninu á Blönduósi
feykir.is Austur-Húnavatnssýsla, Listir og menning, Lokað efni 25.03.2025 kl. 11.30Á fundi sveitarstjórnar Skagastrandar þann 12. mars síðastliðinn var tekin ákvörun um að sveitarfélagið segði sig frá aðild að sjálfseignarstofnuninni um Heimilisiðnaðarsafnið á Blönduósi. Fram kemur á vef sveitarfélagsins að ákvörðunin hafi verið tekin í tengslum við slit á Byggðasamlagi um menningar- og atvinnumál sem unnið hefur verið að síðustu misseri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.