Þing um ástæður suðvestanhvella að næturlagi
Veðurfræðingar hyggjast þinga í Skagafirði með vorinu um sér skagfirsk veðrabrigði sem eins og nafnið gefur til kynna, finnast ekki annarsstaðar. Verður ráðstefnan haldin í Varmahlíð.
Dagskrá ráðstefnunnar er nú að fæðast en til stendur að skipta ráðstefnunni niður í umræðuhópa sem fá það verkefni að greina ýmis veðrabrigði og koma með tillögur að lausnum þar sem þess er þörf.
Umræðuhópur um suðvestanáttina á að kanna sérstaklega hvers vegna suðvestanhvellir sem orðið geta allhraustlegir á svæðinu, verða nær undantekningarlaust að næturlagi. Hefur þetta valdið íbúum talsverðu hugarangri að ekki sé minnst á andvökunætur og bíða margir spenntir eftir því að veðurfræðingar skýri þetta fyrirbæri nánar.
Umræðuhópur um vind og mælieiningar mun kanna hvers vegna golan er kraftmeiri á Sauðárkróki en annarstaðar, en þar verður sérstaklega tekið á Skarðagolunni, sem eins og nafnið gefur til kynna bara gola, en með vindstyrk á við hvassviðri. Hópurinn á að koma með tillögur um hvernig hægt verður að aðlaga mælieiningar í veðurfræði að staðháttum í Skagafirði.
Umræðuhópur um sólfar mun ræða til hlítar ástæður þess að alltaf sé sól á Hellulandi. Hafa íbúar Sauðárkróks sérstaklega, horft upp á það í áratugi að þó grámygla sé yfir bænum, er alltaf sólarblettur á Hellulandi. Hafa margir hinir þunglyndari Króksarar stundað það að skreppa yfir í Hegranes og baða sig í sólinni og hafa íbúar á Hellulandi m.a. rætt það í fullri alvöru að setja upp ferðamannastarfsemi og gera út á „Hellulandssólina“, sem svo margir Króksarar líta öfundaraugum til.
Önnur þekkt veðrabrigði einsog snjóstormar sem eru svo skæðir að ekki sér milli augna og að hitinn sé sé meiri norðan við mæli en fyrir sunnan verður gerð skil í umræðuhóp um yfirnáttúruleg veðrabrigði.
Ráðstefnan er lokuð almenningi en niðurstöður hennar verða kynntar nánar hér í dreifaranum.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.