MOLDUXAR Á FERÐ OG FLUGI
Um hádegisbil s.l. laugardag 12. september s.l. risu árrisulir Molduxar úr rekkju og lögðust í víking. Að þessu sinni var förinni ekki heitið á engilsaxneska grundu til að flengja Gordon heldur var förinni heitið í skurðinn hérna austan við okkur til að etja kappi við þeirra færustu körfuknattleiksmenn svo sem siður hefur verið hjá Uxunum þegar þannig hefur legið á okkur.
Þar sem farið var í fyrra fallinnu tókst ekki að fullmanna langferðabílinn en þó nóg lið til að skelka verulega þá skurðarmenn. Kallaður var til einkabílstjóri af vandaðri gerð svo sem hæfir slíkum félagsskap. Var þá ekið í hendingskasti austur á bóginn og hvergi slakað á hvorki hjá bílstjóra né Uxum. Voru helstu vandamál þings og þjóðar krufin til mergjar og lausnir fundnar á öllum helstu dægurmálunum og var farið langt með að brúa gjána til Bessastaða á leiðinni en eins og helstu þjóðhöfðingjar vesturálfu vita þá hafa Molduxar gefið leyfi sitt fyrir því að Árni Egilsson verði næsti forseti lýðveldisins.
Svæk ehf trl kvað upp úr með það á leiðinni að skurðurinn hefur ekkert upp á að bjóða í náttúrulegu tilliti í samanburði við Skagafjörðinn, en maðurinn er mikill áhugamaður um náttúruna í öllu tilliti. Þegar komið var í höfuðstað þeirra skurðarra var m.a. litið við á nokkrum testofum heimamanna og efnahagur þeirra studdur lítillega með skagfirskum gjaldeyri. Auðvitað var komið við í listagili heimamanna enda Molduxar listunnendur með afbrigðum og þekktir fyrir góða list. Engum kom á óvart að sjá að Skagfirðingurinn Guðbrandur Ægir stóð fyrir sýningu þar á bæ í þeim fróma tilgangi að auðga vesælann anda heimamanna og sáum við ekki betur en að vel tækist til hjá honum.
Lauslega var litið á kappleik í körfubolta milli áhugamannaliðanna í Tindastóli og Breiðablik. Stóðu Molduxar síðan fyrir námskeiði í körfubolta fyrir bæði lið þó að lið Breiðabliks þyrfti þess frekar en Tindastólsdrengir. Þegar viðveran í Skurðinum var gerð upp á heimleiðinni kom í ljós að Molduxar komu taplausir úr keppnisferðinni og misstu ekkert frákast en það er nú reyndar ekki nýjar fréttir.
Þegar heim var komið var farið í að taka upp kartöflur í huggulegum garði á Króknum. Síðan stormaði breiðfylkingin heim til listamannsins GEY þar sem húsfrúin bauð til bjúgnaveislu af þeirri gerð sem aldrei gleymist og er henni hér þakkaðar frábærar móttökur og er á engan hallað í því að þar var hápunktur þessarrar keppnisferðar í skurðinn. Leiða má að því nokkuð sterkum líkum að lítið mál verður að fylla langferðabílinn í næstu keppnisferð Molduxanna. Í það minnsta ef ekki verður lagt svona snemma af stað.
Fleiri fréttir
-
"Finnst mjög gaman að skapa fyrir barnabörnin"
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Handverk 26.12.2024 kl. 13.58Helga Þorbjörg Hjálmarsdóttir fædd og uppalinn á Tunguhálsi ll í Tungusveit býr með Guðmundi Guðmundssyni frá Fossum í Svartárdal á Lækjarbrekku á Steinsstöðum. Þau byggðu sér hús þar árin 1994-1995 og ólu upp sín fjögur börn sem öll eru flogin úr hreiðrinu, eiga sjö barnabörn og eitt á leiðinni. Helga starfar sem stuðningsfulltrúi í Varmahlíðarskóla og við heimaþjónustu í Skagafirði.Meira -
Aðsend Jólasaga - „Anna litla og tuskudúkka“ | Rúnar Kristjánsson
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.12.2024 kl. 13.00Anna litla sat úti í einu horninu á litlu lóðinni kringum húsið og lék sér með tuskudúkkuna sína. Það var sólskin og blíða og hún var þarna ein að dunda sér. Henni fannst svo mikils virði að fá að vera í friði með sín hugðarefni. Það var svo sjaldan hægt að fá frið, því systkinin voru mörg og oft svo hávaðasamt á heimilinu. Eldri bræður hennar þóttust orðnir heilmiklir karlar og litu á hana sem smábarn og stóra systir gat stundum verið svo mikil skessa við hana. Önnu litlu fannst hún oft vera ein í heiminum. Það var eins og enginn skildi hana eða vildi gefa sér tíma til að sinna henni.Meira -
Héldu glöð, ánægð og hrærð út í kvöldhúmið
feykir.is Skagafjörður, Lokað efni 25.12.2024 kl. 10.00Kirkjukór Glaumbæjarprestakalls lagði land undir fót í aðdraganda aðventu í byrjun nóvember og hélt til Þýskalands til að syngja á menningarnótt í Rheinsberg þar í landi. Ferðin var farin ári á eftir áætlun og Feykir hafði samband við Gunnar Rögnvaldsson á Löngumýri og bað hann að segja okkur ferðasöguna.Meira -
Fyrst New York Times og nú Feykir
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.12.2024 kl. 09.00Ragnheiður Sjöfn Jóhannsdóttir er fædd á Landsspítalanum að morgni 27. júlí 1955 og flaug sína fyrstu flugferð tíu daga gömul til Sauðárkróks, með kjörforeldrum sínum, en hún er kjördóttir þeirra Jóhanns Sólbergs Þorsteinssonar mjólkursamlagsstjóra og Áslaugar Sigfúsdóttur og hefur verið Sauðkrækja síðan. Ragnheiður segist þurfa að búa á landsbyggðinni og bjó lengi í Borgarnesi og svo Mosfellsbæ áður en hún flutti á Hvammstanga þar sem hún býr í dag með manni sínum Guðmundi Hauki Sigurðssyni.Meira -
Gleðileg jól
feykir.is Skagafjörður, Austur-Húnavatnssýsla, Vestur-Húnavatnssýsla 24.12.2024 kl. 18.00Steikin inn í ofninum og spennan stöðugt vex, allir bíða eftir því að klukkan slái sex, eins og segir í textanum, nú þarf ekki lengur að bíða þess og óskar Feykir lesendum og landsmönnum öllum gleðilegra jóla og farsældar á komandi ári með kærri þökk fyrir það liðna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.