Meðferðarheimili fyrir fórnalömb berjafíknar opnað í Varmahlíð
Í Varmahlíð hefur verið opnað meðferðarheimili fyrir fólk sem ánetjast hefur berjum. Er þar um að ræða samvinnuverkefni ríkisins og Berjafíknarfélags Íslands, sem er áhugahópur fólks sem haldið er berjafíkn og aðstandenda þeirra.
Samningar voru undirritaðir á dögunum og hefur starfsemi meðferðarheimilisins þegar verið kynnt innan hópsins. – Það er ótrúlegur fjöldi fólks sem á við berjafíkn að stríða, sagði Franceska Guðbjörnsson, sem er forsvarsmaður hópsins. – Þetta fólk á erfitt með að fara í búðir, þar sem ber eru til sölu og gildir þá einu hvaða ber það eru. Haustin eru sérstaklega erfið þar sem krækiber og bláber flæða bókstaflega um allar hlíðar og lautir og þá hrúgast fólk venjulega til okkar í leit að aðstoð, sagði Franceska.
Franceska sjálf stríðir við þessa fíkn og segir hún að ekki sé auðvelt að eiga við hana og ýmislegt lagt á fjölskylduna. – Þegar ég var hvað verst, bauð ég fjölskyldunni upp á krækiber í morgunverð, bláber kannski í hádeginu, rifsber með kaffinu og svo klykkti ég út með kirsuberjum í kvöldverð og það sér það hver heilvita maður að þetta býður þú fólkinu þínu ekki upp á, þó vissulega sé þarna um fjölbreytni að ræða, sagði Franceska. – En ég lít björtum augum á framtíðina, ég sé meðferðarheimilið okkar sem ákveðinn griðastað fyrir okkur og vonast til þess að við fáum bót meina okkar og getum umgengist berin eins og hverja aðra fæðu, sagði Franceska að lokum.
Þess má geta að opið hús verður á meðferðarheimilinu í Varmahlíð laugardaginn 12. júní á milli kl. 10 og 14 og er fólk vinsamlegast beðið að skilja berin eftir heima.
Fleiri fréttir
-
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira -
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.