Graskögglaverksmiðjan nýtt sem álver?
Jón Kristinsson bóndi í Austurdal í Skagafirði er orðinn þreyttur á efnahagsástandinu og er með svörin á hreinu.
– Það þarf bara að virkja meira og byggja fleiri álver, segir hann. – Hér höfum við þessa fínu sprænu sem hægt er að virkja en enginn virðist sýna því áhuga, segir Jón og bætir við að hann sé byrjaður sjálfur að stífla ánna. – Já ég sletti í þetta 3-4 hjólbörum á dag og er svona að reyna að koma þessu verkefni af stað, annars eru börurnar mínar orðnar dálítið lasnar og ef einhver á góðar börur má hann alveg hafa samband við mig. Jóni reiknast til að það taki hann um 134 ár að stífla ánna með þessu verklagi, - að teknu tilliti til framburðar árinnar, segir hann.
Jón er kominn á áttræðisaldurinn en óttast hann ekkert að honum endist ekki ævin í þetta verkefni? – Jú, jú, ég get auðvitað ekki klárað þetta, en ég treysti á að börnin og barnabörnin taki við af mér og klári þetta verkefni og að við komum til með að sjá hér rísa stóra og stæðilega virkjun með tíð og tíma.
En hvar ætti að reisa álver? – Við höfum nú þegar fínt húsnæði sem hægt væri að nýta í slíka starfsemi. Graskögglaverksmiðjan í Vallhólmanum er alveg tilvalin fyrir lítið álver, segir Jón og óttast ekki mengunina. – Ég hlusta ekki á þessa svokölluðu umhverfissinna sem vilja bara að þjóðin nærist á berjum og lyngi, álver er eina svarið, þó það mengi smá skiptir það engu máli, segir Jón að lokum og var þar með rokinn með fjórðu hjólbör dagsins niður að ánni í stíflugerðina.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.