Af hverju er alltaf verið að púkka upp á þessa Blönduósinga?
Herjólfur Jónsson, sjómaður, hafði samband við Dreifarann um helgina. Hann segir rólegt hjá trillusjómönnum þessa dagana og tíminn helst notaður í að ditta að og hella upp á kaffibolla og þess háttar. „Já, og skutla börnunum í sportið. Eitt skil ég samt ekki sko og það er hérna af hverju alltaf er verið að púkka upp á þessa Blönduósinga, ha?“
Hvað meinarðu Herjólfur? „Hvað ég meina!? Já, ég skal sko segja þér það. Ég fylgist nú með öllu þessu sporti hérna á Króknum og þá hérna kannski sérstaklega körfunni, já og eitthvað fótboltanum sko þó ég sé nú alveg fyrst og fremst Júnæted maður þar sko. Óli Gunnar er sko alveg minn maður þar sko, helvíti sem nossarinn er að gera góða hluti, ha!? En ég er með hérna tvo krakka í körfunni, já og stelpan er líka í fótboltanum sko, og ég skil ekkert af hverju sveitarfélagið hérna er svo alltaf að styrkja þessa Blönduósinga sko, hvað er það eiginlega?“
Af hverju segirðu það? „Nú, það var nú bara verið að hækka styrkinn til þeirra þarna á hérna ... já fyrir vestan. Ég held það sé alveg úr 8.000 í 25.000 held ég sko bara á haus sko. Ég skil þetta bara ekki. Væri ekki gáfulegra fyrir okkur að Tindastóll fengi þennan pening!? Ég á eiginlega ekki til orð sko.“
Ertu að tala um hvatapeningana? „Já, einmitt, Hvatarpeningana. Hvað erum við hér að styrkja Hvöt á hérna Blönduósi?! Geturðu kannski útskýrt þetta fyrir mér!?“
Þú ert örugglega að misskilja þe... „Misskilja. Nei, þetta er þarna bara á svarthvítu...“
Nei, þetta eru sko hvatapeninga með litlu hái. „Hvað, eru þeir fyrir vestan farnir að nota lítið há í Hvöt? Andskotinn hafi það, eru þeir alveg búnir að tapa glórunni?“
Nei, Herjólfur, hlustaðu á mig. Þessir peningar fara ekki vestur á Blönduós. Þetta eru hvatapeningar, hugsaðir til að hvetja foreldra til að senda börn og unglinga til að stunda íþróttir, ef ég skil þetta rétt, og líka svona fjárhagsleg hvatning til að létta undir með fjölskyldunum, skilurðu? Það er dýrt að stunda íþróttir. „Nei, hættu nú, ertu viss um þetta? Djöfull hef ég misskilið þetta maður. En ég er viss um að Óli Gunnar er sko ekki að fá neina hvatapeninga, hvorki frá Blönduósi né héðan af Króknum. Ég hef heyrt að hann sé þarna hjá Júnæted bara upp á ánægjuna, enda alveg gegnheill Júnæted-maður. Glory, glory sko!“
Fleiri fréttir
-
Sögumaður gefur út sögu
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.12.2024 kl. 10.00Magnús Ólafsson gaf nýverið út bókina Öxin, Agnes & Friðrik sem fjallar um síðustu aftökuna á Íslandi sem framkvæmd var á Þrístöpum í landi Sveinsstaða í Austur-Húnavatnssýslu. Feykir hafði samband við Magnús og forvitnaðist aðeins um nýútkomna bók og lífiðMeira -
Húnabyggð hlaut Umhverfisverðlaun Ferðamálastofu fyrir uppbyggingu við Þrístapa
feykir.is Skagafjörður, Austur-Húnavatnssýsla, Vestur-Húnavatnssýsla 23.12.2024 kl. 08.09Umhverfisverðlaun Ferðamálastofu fyrir árið 2024 koma í hlut Húnabyggðar fyrir uppbyggingu við Þrístapa en verkefnið var á höndum Húnavatnshrepps áður en sveitarfélögin sameinuðust. Þrístapar er menningarsögulegur ferðamannastaður og þar er að finna síðasta aftökustaðinn á Íslandi. Aftakan fór fram þann 12. janúar 1830 þegar þau Agnes Magnúsdóttir og Friðrik Sigurðsson voru hálshöggvin. Sagan hefur verið vinsælt viðfangsefni, bæði í skáldsögum og kvikmynd, eins og Húnvetningar flestir þekkja, segir á huni.is.Meira -
Gul veðurviðvörun!
feykir.is Skagafjörður, Austur-Húnavatnssýsla, Vestur-Húnavatnssýsla 22.12.2024 kl. 21.01Lögreglan á Norðurlandi vestra vekur athygli á slæmri veðurspá næstu daga. Gul veðurviðvörun tók gildi kl.04.00 í nótt, aðfaranótt þorláksmessu, og er til 10.00 í dag. Aftur brestur á með gulri viðvörun kl.19.00 í kvöld og er fram á aðfaranótt aðfangadags. Suðaustan 15-23 m/s með vindhviðum allt að 35-40 m/s við fjöll. Sum sé varasamt ferðaveður á milli landshluta.Meira -
„Þótti jafn sjálfsagt í uppvextinum að prjóna eins og að draga andann“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Handverk 22.12.2024 kl. 13.38Jóhanna Erla Pálmadóttir býr að Akri í Húnabyggð ásamt syni sínum Pálma. Helga dóttir hennar er kennari í Reykjavík og býr þar. Gunnar maður hennar Jóhönnu lést frá þeim er mjög mjúk og þelmikil. Jóhanna er textílkennari frá Kaupmannahöfn en þar bjó fjölskyldan í sjö ár á níunda áratugnum. Jóhanna er verkefnastjóri hjá Textílmiðstöð Íslands í Kvennaskólanum á Blönduósi og sinnir tóvinnukennslu, umsjón með listamönnum sem dvelja hjá þeim og sinnir líka ýmsum öðrum tilfallandi verkefnum. Jóhanna telur sig vera stoltan atvinnuprjónara og selur prjónlesið sitt mest í Ullarselinu á Hvanneyri. Þar var Jóhanna verkefnastjóri þegar það var stofnað árið 1992 og nokkur ár til viðbótar. Frá upphafi hefur textíll verið viðloðandi í lífi Jóhönnu, enda þótti það vera jafn sjálfsagt í hennar uppvexti að prjóna eins og að draga andann.Meira -
Lakkrístopparnir sívinsælu urðu til í eldhúsi á Sauðárkróki
feykir.is Skagafjörður, Lokað efni 22.12.2024 kl. 09.00Arndís María Einarsdóttir er fædd og uppalin á Sauðárkróki. Dóttir Einars Einarsonar sem lengi var kenndur við Steinullarverksmiðjuna og sem gaman er að bæta við að er sonur hjónanna Einars og Dísu í verslunni Vísi á Blönduósi sem þá var og hét. Mamma hennar er Hrefna Guðmundsdóttir sem er í raun ástæða þess að Feykir hafði samband við Arndísi. Arndís bjó á Sauðárkróki fram að 18 ára aldri en flutti þá á höfuðborgarsvæðið þar sem hún býr enn ásamt eiginmanni sínum, Birgi Erni Strange, og þremur börnum; Ara Hrafni, Unu Lind og Yrsu Ýri.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.