Virkjanastopp, sama vesen, sitt hvor hliðin! :: Guðmundur Haukur skrifar
Með ákvörðunum sveitarstjórna Skeiða- og Gnúpverjahrepps, Húnabyggðar og Ásahrepps um að staldra við í skipulagsmálum orkumannvirkja þar sem orkuvinnsla í núverandi lagaumgjörð þjóni ekki hagsmunum sveitarfélaganna er í raun komið virkjanastopp á Íslandi. Það þykir að sjálfsögðu bagalegt, sem það er. Raforkuframleiðsla Landsvirkjunar er fullnýtt og ekki er til meiri orka á sama tíma og orkuskiptin eru framundan. Það verður því að bretta upp ermar og byrja að virkja fyrir þjóðina!
Ég tek undir það en fyrst verður að laga leikreglurnar. Nærumhverfi orkuvinnslu verður að fá hlutdeild í þeim efnahagslega ábata sem verður til við að framleiða orku. Sú hlutdeild er forsenda þess að byggja upp samfélög í . Sá tími sem nærumhverfi orkuvinnslu fær enga hlutdeild í verðmætunum er liðinn. Allur efnahagslegur ávinningur af orkuvinnslu kemur fram þar sem orkan er notuð en ekki þar sem orkan verður til – það er staðreynd.
En það eru margar hliðar á teningnum. Nú er staðan í Húnabyggð þannig að ekki er hægt að fá hitaveitu í nýtt iðnaðarhúsnæði. Það er hægt að fá ný íbúðarhús tengd við hitaveituna en ekki atvinnuhúsnæði. Hvernig á að vera hægt að byggja upp atvinnu í Húnabyggð ef atvinnuhúsnæði fær ekki heitt vatn. Fær ekki orku til að hita húsin sín! Árið 2005 keypti RARIK hitaveituna af Blönduósbæ. Hluti af samkomulaginu var að efla starfsstöðina á Blönduósi. Hefur verið staðið við það – Nei. Er verið að vinna hörðum höndum að því að afla meiri orku til að uppbygging geti átt sér stað – undirritaður sem er oddviti Húnabyggðar veit ekki til þess.
Við íbúar sveitarfélagsins erum ekki upplýst. Hvenær má vænta þess að meira heitt vatn verði til afhendingar, það veit enginn. Það er allavega ekki verið að leita að heitu vatni eftir því sem ég best veit. Er RARIK að beita sveitarfélaginu Húnabyggð virkjanastoppi? Hver á Rarik? Við vitum það náttúrlega öll, Rarik er í eigu þjóðarinnar og með alla sína starfssemi á landsbyggðinni. Samt eru höfuðstöðvar RARIK í Reykjavík þar sem 50 verðmætustu störfin eru. Þar eru teknar ákvarðanir um framtíð orkuöflunar fyrir íbúa Húnabyggðar.
Eru einhverjir í höfuðstöðvum RARIK að reyna að leysa orkuvandann í Húnabyggð? Samkvæmt mínum upplýsingum sem oddviti Húnabyggðar er svarið við því NEI. Á Húnabyggð að taka þátt í því að leysa orkuvanda þjóðarinnar með því að skipuleggja frekari orkumannvirki í sveitarfélaginu sem skila okkar samfélagi engum ávinning. Ég held að allir viti svarið við því, sem er nei, svo ráðamenn þjóðarinnar geta ekki undrast yfir virkjanastoppi á Íslandi!
Guðmundur Haukur Jakobsson
Forseti sveitarstjórnar Húnabyggðar
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.