Gatan heitir Laugarvegur því þarna var ein laug
Undanfarna daga hefur gatan sem ég ólst upp í verið mikið til umræðu, ekki af góðu þó, aurskriða féll á tvö hús í henni og þurfti að rýma þau. Gatan sem ég ólst upp í og hefur verið til umfjöllunar er Laugarvegur í Varmahlíð. Já takið eftir, hún heitir Laugarvegur því þarna var ein laug, ekki margar og því heitir gatan ekki Laugavegur.
En afhverju er ég að setjast niður og skrifa um þetta, jú vegna þess að í flestum tilkynningum sem hafa komið frá yfirvöldum hefur verið talað um Laugaveg en ekki Laugarveg eins og stendur á götuskiltinu góðan sunnan við Hótel Varmahlíð. Það er þó ekki þannig að þar hafi alltaf staðið hið rétta nafn, það eru í raun sárafá ár síðan það kom rétt götuskilti og það er þannig að í þjóðskrá heitir gatan enn röngu nafni. Mér hefur verið sagt að uppruna þessarar villu megi rekja aftur til þess þegar skrá þurfti götur formlega, væntanlega handskrifað á einhverja pappíra, að sá sem skrifaði nafn götunnar hafi bara ruglast. Það hefur verið mikið áhugamál okkar sem höfum búið hvað lengst á Laugarveginum að fá þetta leiðrétt en það hefur ekki tekist alla leið ennþá, þó vissulega sé jákvætt að skiltið sé orðið rétt.
Það er líka áhugavert að leita á heimasíðu sveitarfélagsins Skagafjarðar að Laugarvegi og Laugavegi en þessi nöfn virðast notuð sitt og hvað í stjórnsýslunni.
Ég vil með þessum skrifum nota tækifærið og skora á þar til gerð yfirvöld að leiðrétta þetta alla leið svo þeir sem enn búa á Laugarvegi í Varmahlíð séu rétt skráðir í þjóðskrá og þ.a.l. öllum öðrum skrám.
Rúnar Birgir Gíslason
Fyrrverandi Laugarvegsbúi
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.