Ég vil gjarnan að sveitarfélögin sameinist – Feykir spyr
Þyrey Hlífarsdóttir, grunnskólakennari, starfar í Varmahlíðarskóla, gift Degi Þór Baldvinssyni, hafnarstjóra Skagafjarðarhafna, og saman eiga þau þrjú börn. Síðasta sumar fluttu þau Dagur á æskuslóðir Þyreyjar í Víðiholt og segir hún þau því orðin sveitafólk, þó svo eitthvað fari minna fyrir búskapnum hjá þeim, a.m.k. enn sem komið er.
„Það er dásamlegt að búa í sveitinni og forréttindi að fá að starfa í Varmahlíðarskóla þar sem ég var sjálf nemandi alla mína grunnskólagöngu. Börnin okkar sækja skóla, íþróttir og tómstundir bæði í Varmahlíð og á Sauðárkróki auk þess sem maðurinn minn vinnur á Sauðárkróki. Það er það sem er svo frábært við samfélagið okkar hér að við getum sótt þjónustu og atvinnu eftir því sem okkur hentar óháð búsetu.“
Í tilefni sameiningarkosninga sem fram fara þann 19. febrúar nk. var nokkur kosningabragur á Feyki þessa vikuna líkt og í þeirri síðustu enda ærin ástæða til. Rétt til að heyra í hinum almenna borgara sendi Feykir, af handahófi, nokkrum einstaklingum úr sitthvoru sveitarfélaginu í Skagafirði spurningar til að kanna hug þeirra til verkefnisins.
Hvernig líst þér á að sveitarfélögin í Skagafirði verði sameinuð? -Mér líst nokkuð vel á það ef sveitarfélögin í Skagafirði verða sameinuð.
Hvað telur þú jákvætt? -Það sem ég tel jákvætt við sameiningu er að ég tel að við stöndum sterkari sem ein heild. En þá þurfum við líka að standa saman sem ein heild.
Hvað neikvætt? -Ég veit ekki hvort mér finnst eitthvað vera neikvætt við sameiningu, ég vil gjarnan að sveitarfélögin sameinist.
Hvernig telur þú að sameining eigi eftir að breyta þinni afkomu ef nokkuð? -Ég tel svo sem ekki endilega að sameiningin muni breyta minni afkomu sérstaklega.
Hefur þú fylgst með umræðum og skrifum á heimasíðu sameiningarnefndar skagfirðingar.is?
-Ég hef aðeins fylgst með því já og svo auðvitað tekið þátt í umræðum í samfélaginu.
Er eitthvað sem þér finnst tortryggilegt sem sett er fram um hugsanlega sameiningu?
-Nei, ég get ekki sagt það.
Er eitthvað þar sem þú ert virkilega sammála? -Get svo sem ekki nefnt eitthvað eitt sérstakt, eins og ég sagði áður þá tel ég að við stöndum sterkari saman heldur en í sitt hvoru lagi.
Hvað gætir þú hugsað þér að sameinað sveitarfélag myndi heita? -Ég hef ekki myndað mér sérstaka skoðun á því og tel ekki að það sé það sem skiptir mestu máli.
Eitthvað sem þú vilt koma á framfæri? -Ég vil minna fólk á að kjósa.
Fleiri fréttir
-
„Ein eftirminnilegasta gjöfin var skartgripaskrín handsmíðað af afa“
feykir.is Skagafjörður, Mannlíf, Lokað efni 20.04.2025 kl. 15.01Arndís Katla Óskarsdóttir er úr Skagafirði og býr hjá foreldrum sínum á Skógarstígnum í Varmahlíð. Mamma hennar og pabbi eru Hafdís Arnardóttir og Óskar Már Atlason og systkini hennar eru Kristófer Bjarki, Hákon Helgi og Þórdís Hekla. Arndís Katla vinnur á Dvalarheimilinu Dalbær á Dalvík. Kærastinn hennar er þaðan svo hún er duglega að rúnta á milli fjarða. Arndís Katla sagði Feyki frá fermingjardeginum sínum sem var fyrir fjórum árum.Meira -
Myndi bjóða Steinda Jr. í veisluna
feykir.is Austur-Húnavatnssýsla, Lokað efni 20.04.2025 kl. 13.00Aron Logi Svavarsson býr á Skagaströnd og verður fermdur í Hólaneskirkju þann 8. júní. Sr. Guðni Þór fermir drenginn og eru foreldrar hans Fjóla Dögg Björnsdóttir og Svavar Björnsson.Meira -
Langar að útbúa krossgátu um sjálfa sig fyrir gestina
feykir.is Vestur-Húnavatnssýsla, Lokað efni 20.04.2025 kl. 11.00Álfhildur Þórey Heiðarsdóttir býr á Bæ 1 í Húnaþingi vestra. Álfhildur fermist þann 15. júní í Prestbakkakirkju og mun sr. Magnús Magnússon sjá um ferminguna. Foreldrar hennar eru Sigrún Eggertsdóttir Waage og Heiðar Þór Gunnarsson.Meira -
Gleðilega páska!
feykir.is Skagafjörður, Austur-Húnavatnssýsla, Vestur-Húnavatnssýsla 20.04.2025 kl. 06.00Feykir óskar landsmönnum nær og fjær gleðilegra páska.Meira -
Rændi skrifblokk af miðasölumanni í Metró
feykir.is Skagafjörður, Mannlíf 19.04.2025 kl. 13.47Síðast stoppaði Dagurinn hjá Pálínu Ósk og Ísaki Einars skammt utan við Osló. Við kveðjum þau með virktum og ímyndum okkur að við röltum með bakpokann upp á veg, húkkum okkur far niður á höfn í norsku höfuðborginni og stökkvum síðan um borð í ferju á leið til Kaupmannahafnar. Siglum út lognsléttan og ofurfallegan Oslófjörð í síðdegissólinni, sofum af okkur smá velting á Norðursjónum yfir nóttina og komum síðan óstöðug af sjóriðu í land á Islands Brygge í Köben. Þar tekur Áróra Árnadóttir á móti okkur brosandi og fylgir okkur heim til sín þar sem við getum sest niður og náð áttum. Sem betur fer er stutt heim – hún býr á Islands Brygge.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.