Vonir um sólskin í næstu viku – en fyrst rignir
Veðrið hefur ekki farið á neinum sérstökum gleðikostum síðasta mánuðinn hér á Norðurlandi vestra og fáir dagar sem hafa fært fólki sanna sumargleði. Eitthvað virðast þó horfur vera betri framundan og sólin óvenju oft í veðurkortum næstu viku og talsverðar líkur á að hitastigin gæli við tveggja stafa tölur til tilbreytingar. Fram að helgi munu veðurguðirnir þó láta vatnsdæluna yfir okkur ganga og vinda yfir okkur síðustu dropana í bili um helgina.
Það er semsagt spáð rigningu í kvöld og fram á laugardagsmorgun en þá dregur úr. Hitastigin verða töluvert færri en regndroparnir en almennt er spáð fjögurra til sjö stiga hita næstu daga, hvessir að norðan með kvöldinu. Eða eins og spáin segir: „Norðan 5-13 m/s og rigning eða súld með köflum, en samfelld rigning annað kvöld. Norðan 8-15 og rigning á morgun, hvassast á Ströndum. Talsverð úrkoma á Ströndum og Tröllaskaga. Hiti 4 til 9 stig.“
Í dag er staðan þannig að spáin fyrir mánudag gerir ráð fyrir sólskindi og hækkandi hita. En hitinn og sólin er að sjálfsögðu ekki í hendi þó spáin sé falleg.
UPPFÆRT kl. 16:00! Svo hefur bætt í rigningarspá Veðurstofunnar fyrir næsta sólarhringinn að komin er gul viðvörun á Norðurland vestra og Strandir. Hún tekur gildi kl. sex í fyrramálið og stendur til miðnættis.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.