Vill halda á lofti kyndli frjálslyndis og umburðarlyndis | Arnar Þór Jónsson
Laugardaginn 1. júní stingum við Íslendingar okkur inn í kjörklefa og setjum x við þann frambjóðanda sem við viljum sjá sem forseta þjóðarinnar næstu fjögur árin. Aldrei áður í sögu lýðveldisins hafa jafn margir einstaklingar skreytt kjörseðilinn eða hvorki fleiri né færri en tólf. Feykir lagði nokkrar spurningar fyrir forsetaefnin og gáfu þau sér öll tíma til að svara. Hér að neðan má lesa svörin sem Arnar Þór Jónsson gaf Feyki.
Hvers vegna á fólk að kjósa þig? - Ég er löglærður og þekki stjórnskipun Íslands vel. Ég hef unnið inn í stjórnkerfinu og þekki innviði þess vel. Ég hef starfað bæði inni á Alþingi, í dómstólakerfi og í stjórnsýslunni. Sú reynsla getur komið að góðum notum þegar á reynir. Sem dómari hef ég þjálfast í að horfa á mál frá öllum hliðum áður en ákvörðun er tekin. Ég er góður hlustandi og treysti mér til þess að taka ákvarðanir út frá því sem ég tel réttast á grundvelli laga og réttar með hagsmuni þjóðarinnar að leiðarljósi.
Af hverju langar þig að verða forseti Íslands? - Forseti er þjóðhöfðingi. Forseti hefur og ber ábyrgð sem slíkur, inn á við og út á við. Forsetinn er þjónn fólksins í landinu og tengiliður fólksins í landinu og rödd þess gagnvart ríkisstjórn, gagnvart Alþingi, ríkis-stjórn og öðrum handhöfum ríkisvaldsins. Forsetinn á að standa vörð um stjórnarskrá lýðveldisins, lýðveldis stjórnarformið og lýðræðislega stjórnarhætti. Ég sé fyrir mér að forseti geti valdeflt Íslendinga til að hvetja þá til að nýta styrkleika sína betur.
Brýnustu viðfangsefni Íslendinga nú eru að standa vörð um auðlindir landsins þannig að þær þjóni þeim sem að hér búa og vernda Íslenska náttúru, vernda tungumálið, verja tjáningarfrelsið, verjast ofríki og valdboði, halda á lofti kyndli frjálslyndis og umburðarlyndis. Forseti á að láta allt þetta sig varða.
Hvað hefur komið þér mest á óvart í baráttunni um Bessastaði? - Mér hefur komið á óvart hversu mjög ég hef þurft að berskjalda sjálfan mig bæði persónulega og tilfinningalega. Um leið vil ég segja að ég er ekki að kvarta yfir þessu því mér var ljóst að þetta framboðið myndi reyna á mig á nýjan hátt. Þótt þetta hafi á sinn hátt verið erfitt finn ég líka að þetta hefur verið styrkjandi.
Hver hefur verið stærsta áskorunin í þínu lífi? - Að fylgja eigin sannfæringu og vera trúr samvisku minni. Í lífinu þurfum við að fara yfir margar krossgötur og þá er nauðsynlegt að hafa þessa áttavita rétt stillta og minna sig á hvert ferðinni er heitið og hvað geti talist góð ákvörðun hverju sinni.
Hvar og hvenær sástu núverandi maka þinn fyrst? - Í unglingapartýi í Hegranesi í Garðabæ árið 1990, þar sem ég bjó á þeim tíma og við Hrafnhildur búum enn.
Hvað ætlaðir þú að verða þegar þú yrðir stór? - Ég var spurður að þessu þegar ég var sex eða sjö ára og mun hafa svarað því þannig að ég ætlaði bara að verða „venjulegur maður“. Þar var ég að lýsa manni sem stundar sína vinnu af kostgæfni, er reglusamur, hugsar vel um konuna sína og börnin, á gott heimili og er í stuttu máli öðrum til styrktar og stuðnings, en ekki til baga. Ég hef þekkt marga slíka menn um dagana og haft þá sem fyrirmyndir.
Bessastaðir eru ágæt búskaparjörð, til dæmis er þar ágæt fjörubeit fyrir sauðfé meira og minna allan veturinn. Hefur þú í hyggju að stunda búskap á Bessastöðum ef þú verður forseti? - Ég var í sveit sem unglingur og í kosningabaráttunni hef ég kynnt mér nútíma landbúnað um allt land. Í amstri kosningabaráttunnar sé ég jarðtengda tilvist bóndans í hillingum. Ég myndi hafa mikla ánægju af endurnýjaðri umgengni við hesta og sauðfé. Geitabúskapur gæti einnig hentað mér vel.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.