Landsvirkjun tekur virkan þátt í samfélaginu og styður við málefni og verkefni sem hafa jákvæð samfélagsleg áhrif. Sjóðurinn styður verkefni sem hafa breiða samfélagslega skírskotun og leggur sérstaka áherslu á verkefni sem hafa jákvæð áhrif á nærsamfélög fyrirtækisins. Tekið er á móti umsóknum allt árið en úthlutað er úr sjóðnum þrisvar á ári. Umsóknarfrestur er til 31. mars, 31. júlí og 30. nóvember ár hvert.
Fyrsta úthlutun ársins úr samfélagssjóði Landsvirkjunar fór fram á dögunum. Tveir 250.000 króna styrkir runnu til verkefna á Norðurlandi vestra; annar til knattspyrnudeildar Hvatar vegna Smábæjarleikanna 2024 sem haldnir verða næstkomandi helgi og hinn til Rathlaupafélagsins Heklu vegna rathlaups í Húnabyggð. Þá var verkefnið Jólahúnar sem var í desember styrkt um 100.000 krónur. Umsóknarfrestur vegna næstu úthlutunar er til 31. júlí.
Úthlutunarreglur
Samfélagssjóður úthlutar að hámarki 12 milljónum króna í þremur úthlutunum. Að jafnaði eru styrkir á bilinu 100 til 500 þúsund og aldrei hærri en ein milljón króna.
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.