Unnið að borun á 1.200 m vinnsluholu að Reykjum
RARIK var með níu jarðstrengsverkefni með samtals 123 km af strengjum á Norðurlandi á síðasta ári en þetta kemur fram í yfirferð um verkefni ársins 2023 á heimasíðu RARIK. Sjö verkefnum er þegar lokið en þar af voru þrjú hér á Norðurlandi vestra; í Hrútafirði, Miðfirði og Fitjárdal.
Verkefnum í austanverðum Svínadal í A-Hún. (33 km) og frá Laxárvatni að Blönduósi (8 km) er ekki lokið. „Í Svínadal er ólokið um 8 km lögn sem frestast fram á næsta vor og þverun yfir Blöndu er ólokið fyrir lögnina frá Laxárvatni. Á árinu var einnig lokið við tengingar í verkefnum frá árinu 2022 í Hjaltadal og í Langa- og Svartárdal,“ segir í umfjölluninni.
Þá kemur fram að skipt var um spenni í nýrri aðveitustöð á Skagaströnd í byrjun síðasta árs og lokið var byggingu yfir spenni í stöðinni í Varmahlíð og spennir sem áður var á Sauðárkróki var fluttur í stöðina. „Í sumar hófst vinna við byggingahluta sem áður hýsti varaafl á Laxárvatni og var honum breytt í rofasal fyrir tvo spenna. Ætlunin er að þar verði settir upp tveir spennar á næsta ári til að mæta auknu álagi en einnig á að endurnýja og stækka núverandi spenni í tengivirkinu á Laxárvatni. Á árinu hófst lögn 33 kV strengs frá Laxárvatni að Skagaströnd. Í ár var strengurinn lagður að Blöndu, samhliða nýjum stofnstreng fyrir Blönduós. Ætlunin er að ljúka strenglögninni á næsta ári,“ segir á síðu RARIK.
Fyrir Hitaveitu Blönduóss og Skagastrandar voru á árinu boraðar fimm hitastigulsholur (borholur í leit að jarðhita) en þær voru um 500 m að dýpt í og við vinnslusvæði veitunnar að Reykjum við Húnavelli. Leitin er gerð með það í huga að tryggja aukna orku á svæðinu. Í framhaldinu var ákveðið að bora 1.200 m vinnsluholu á svæðinu. Samið var við Ræktunarsamband Flóa og Skeiða ehf. (Ræktó) um þá borun og hófst sú borun í nóvember en reiknað var með að borun lyki nú í byrjun árs.
Heimild: Rarik.is
Fleiri fréttir
-
Fátt betra en að gleyma sér yfir sentimetrum og millimetrum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 17.27Stefán Vagn Stefánsson oddviti Framsóknar í Norðvesturkjördæmi er fæddur og uppalinn á Sauðárkróki giftur Hrafnhildi Guðjónsdóttur félagsráðgjafa og á með henni þrjú börn, Söru Líf, Atla Dag og Sigríði Hrafnhildi (Lillu). Tvö barnabörn, Rebekku og Stefán Brynjar (og eitt á leiðinni).Meira -
Vertu sól | Leiðari 44. tbl. Feykis
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla, Lokað efni 24.11.2024 kl. 16.04Kosningar færast óðfluga nær og hjá sumum ríkir töluverð eftirvænting, spenna eða jafnvel þórðargleði en aðrir eru fyrir löngu orðnir hundleiðir á þessari tík og vildu helst lóga henni.Meira -
Fannst tilvalið þegar hún var 14 ára gömul að sauma skírnarkjól
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 15.51Fanney Rós er fædd og uppalin á Sauðárkróki og býr í Raftahlíðinni með syni sínum, Sebastían Leó. Fanney Rós vinnur í Árskóla og er umsjónarkennari í 3. bekk.Meira -
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.