Óánægja með reglugerðardrög matvælaráðherra
feykir.is
Skagafjörður, Austur-Húnavatnssýsla, Vestur-Húnavatnssýsla, Fréttir
15.02.2024
kl. 13.59
Félag sauðfjárbænda í Austur-Húnavatnssýslu gerir athugasemdir við drög matvælaráðherra að reglugerð um sjálfbæra landnýtingu sem kynnt var í samráðsgátt stjórnvalda í síðasta mánuði.
Athugasemdir frá Félagi sauðfjárbænda í Austur-Húnavatnssýslu má lesa hér:
Í Austur-Húnavatnssýslu er sauðfjárrækt og afleidd störf landbúnaðar gríðarstór hluti atvinnulífs. Ef þessi reglugerð tekur gildi, mun hún kollvarpa sauðfjárbúskap í núverandi mynd á öllu landinu. Það hefur í för með sér umfangsmikla byggðaröskun og tap á menningarlegum gildum.
Bændur eru vörslumenn lands og hafa verið frumkvöðlar og drifkraftar í uppgræðslu lands um áratugi, til að mynda í verkefninu Bændur græða landið og mörgum fleiri landbótaverkefnum. Sauðfé í landinu hefur fækkað gríðarlega á undanförnum áratugum og beitartími í afréttum hefur styttst. Úttektir sýna víðast hvar að ástand lands hefur tekið mikilum framförum á undanförnum áratugum. Því hljómar það undarlega í eyrum sauðfjárbænda að með þessari reglugerð séu þeir krafðir um að hætta að nýta land í ákveðnu ástandi og eins krafðir um að bæta land þó svo ekki sé sýnt fram á að þeirra nýting, eins og hún er í dag, raski ástandi landsins.
Reglugerð um sjálfbæra landnýtingu hlýtur að eiga að snúast um einmitt það að við skilum landinu af okkur, annað hvort í jafn góðu ástandi eða betra, en við tókum við því. Reglugerðin virðist ekki snúast um það, heldur er talað um vistgetu þar sem engin leið er að skilgreina viðmiðunarsvæði, hvorki í tíma né rúmi. Hvergi er talað um mögulega getu lands til að framfleyta búfé og þ.a.l. engin leið fyrir rétthafa beitar að meta hvort þeirra nýting sé lítil, hófleg eða mikil. Í því samhengi viljum við benda á að margar rannsóknir hafa sýnt jákvæð áhrif hóflegrar beitar á framvindu lands.
Það kemur okkur verulega á óvart hversu mörg svæði sem nú þegar eru nýtt til beitar og hafa verið talin vel gróin fram til þessa, ná ekki að uppfylla strangar kröfur reglugerðarinnar um hlutföll í réttum ástandsflokkum þegar vefsjá sem fylgir reglugerðinni er skoðuð. Víða háttar einnig þannig til að vel grónir dalir skera sig inn í brött og há fjöll sem engin leið er að skilja frá beitarsvæðinu.
Í reglugerðinni er gert ráð fyrir því að Land og skógur eigi að hafa eftirlit með ástandi lands, taka ákvarðanir um þörf landbótaáætlana, leiðbeina rétthafa lands um gerð áætlunar og taka svo út framkvæmd hennar. Þetta getur ekki samræmst íslenskri stjórnsýslu.
Fleiri fréttir
-
Enskunemar sóttu Harry Potter heim
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 24.11.2024 kl. 11.12Í vetur lagði hópur nemenda frá Fjölbrautaskóla Norðurlands vestra af stað í heillandi ævintýraferð inn í heim enskra bókmennta og breskrar menningar, allt í gegnum linsu hinna ástsælu Harry Potter sagna.Meira -
Nörd sem elskar að spila tölvuleiki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 24.11.2024 kl. 10.19Ugla Stefanía Kristjönudóttir Jónsdóttir er oddviti Pírata í Norðvestur kjördæmi. Ugla er frá Stóra-Búrfelli í Svínadal í Austur-Húnavatnssýslu. Þar sem hún er fædd og uppalin ásamt bræðrum sínum. Hún flutti á Akureyri til að fara í menntaskóla og síðar suður í háskóla. Bjó í Bretlandi um tíma en er núna búsett fyrir sunnan – með annan fótinn heima í sveit. Eins og er þá er hún sjálfstætt starfandi og starfar við fræðslu og ráðgjöf í tengslum við jafnréttismál og sinnir líka fræðslu t.d. hjá Samtökunum ‘78.Meira -
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.