Mögnuð tónlistarveisla í Bjarmanesi á laugardaginn
Menningarmiðja Norðurlands og Minningarsjóðurinn um hjónin frá Vindhæli og Garði standa fyrir tónleikum í menningar- og samveruhúsinu Bjarmanesi á Skagaströnd nk. laugardag 20. júlí kl. 20:30. Tónleikarnir eru mikill fengur fyrir áhugafólk um vel flutta þjóðlagatónlist en í Bjarmanesi troða upp íslenska þjóðlagasveitin BREK og bandaríski blágrasbræðingurinn Hank, Pattie & the Current.
Böndin túra saman þessa vikuna undir titlinum Raleigh to Reykjavík, befja leik á Hvolsvelli í kvöld, síðan eru það Egilsstaðir 17. júlí, svo er troðið upp á Verkstæðinu á Akureyri í félagsi við Svavar Knút, Segull 67 á Sigló á föstudagskvöldið, Bjarmanes á laugardag og hópurinn kemur í mark í Reykjavík á sunnudag og spilar þá í Iðnó.
Hank, Pattie & the Current
Bluegrass hugsjónafólkið Hank Smith (banjó) og Pattie Hopkins Kinlaw (fiðla) treður upp með nýstárlega nálgun á hefðbundna bluegrass tónlist en segja má að hér sé á ferðinni sálarríkt brugg, bragðbætt með klassískum, Motown, djass- og poppáhrifum. Hank & Pattie eru magnaðir blágras plokkarar, sem einnig fást við klassíska tónlist, en þau hafa mótað sinn einstaka hljóm með því að hræra saman þeirri tónlist sem þau eru undir áhrifum frá og búa til einstakan hljóm. Tónlist þeirra, samsöngur, ástríðufullur flutningur og nýstárlegar útsetningar heilla allar kynslóðir tónlistarunnenda.
Í hljómsveitinni eru auk Hanks og Pattie bassaleikarinn Stevie Martinez og gítarleikarinn Billie Feather.
Brek
Hljómsveitin Brek leikur aðallega frumsamda, alþýðuskotna, tónlist með áhrifum úr ýmsum áttum. Áhersla er á að tvinna saman ýmis áhrif frá mismunandi stílum þjóðlaga- og dægurtónlistar. Einnig reynir sveitin að skapa áhugaverða en notalega stemningu í hljóðfæraleik sínum, en jafnframt krefjandi á köflum. Sveitin leggur áherslu á að nota fjölskrúðugt orðbragð og nýta þannig hinn mikla og fallega orðaforða sem íslenskan hefur upp á að bjóða.
Áhrif tónlistarinnar koma úr ýmsum áttum en Brek leitast við að tvinna þeim saman í sinn hljóðheim og leitast þannig við að brjóta niður múra á milli tónlistarstefna ásamt því að tengja íslenskan þjóðlagaarf við aðrar tegundir þjóðlagatónlistar.
Hljómsveitin var tilnefnd til Íslensku tónlistarverðlaunanna í flokki þjóðlagatónlistar tvö ár í röð og hlaut Íslensku tónlistarverðlaunin fyrir plötu ársins í þjóðlaga- og heimstónlist árið 2022 fyrir sína fyrstu plötu, sem er samnefnd sveitinni.
Brek skipa Jóhann Ingi Benediktsson sem spilar á gítar og syngur, Sigmar Þór Matthíasson sem spilar á kontrabassa og síðan hjónin Guðmundur Atli Pétursson sem leikur á mandólín og Harpa Þorvaldsdóttir sem syngur og spilar á píanó en Harpa er ættuð frá Hvammstanga.
- - - - -
Það eru því engir aukvisar sem munu munstra hljóðfærin sín í Bjarmanesi á Skagaströnd á laugardaginn og óhætt að hvetja alla sanna tónlistarunnendur til að mæta.
Slóðir á netsíður, myndbönd og tónlist >
https://www.hankandpattie.com
https://www.brek.is/um-okkur
Fleiri fréttir
-
Bjarni Jónsson segir skilið við VG
feykir.is Skagafjörður, Austur-Húnavatnssýsla, Vestur-Húnavatnssýsla 17.10.2024 kl. 15.43Í yfirlýsingu á Facebook hefur Bjarni Jónsson, oddviti Vinstri grænna í Norðvesturkjördæmi, lýst því yfir að hann hafi ákveðið að segja sig úr VG og segja skilið við þingflokkinn. „Flestum hefur lengi verið ljóst að flokkurinn hefur sveigt af leið og brugðist grunngildum sínum og væntingum þeirra sem stóðu að stofnun hans. Hann hefur brugðist mörgu því fólki sem hefur stutt hann,“ segir Bjarni í yfirlýsingunni.Meira -
Framboð og eftirspurn – sex vikur til kosninga
feykir.is Skagafjörður, Austur-Húnavatnssýsla, Vestur-Húnavatnssýsla 17.10.2024 kl. 14.03Nú eru rétt um sex vikur þar til landsmönnum gefst kostur á kjósa til Alþingis á ný í kjölfar þess að Bjarni Benediktsson forsætisráðherra taldi að lengra yrði ekki komist í samstarfi Framsóknarflokks, Sjálfstæðisflokks og Vinstri grænna. Forseti Íslands féllst á lausnarbeiðni hans í vikunni og hefur verið ákveðið að Alþingiskosningar verði 30. nóvember. Flokkarnir eru því komnir á fullt í að setja saman lista og gera sig klára í baráttuna um Ísland.Meira -
Kálfshamarsvík númer eitt á forgangslista Húnabyggðar
feykir.is Austur-Húnavatnssýsla 17.10.2024 kl. 13.56Húnahornið segir frá því að Kálfshamarsvík sé efst á forgangslista sveitarstjórnar Húnabyggðar vegna styrkumsókna í Framkvæmdasjóð ferðamannastaða fyrir árið 2025 en umsóknarfrestur rann út í gær. „Þrístapar eru númer tvö á forgangslistanum á eftir Kálfshamarsvík og þar á eftir er göngubrú yfir ós Blöndu, gamli bærinn á Blönduósi og Klifamýri og að lokum náttúruperlan Hrútey,“ segir í fréttinni.Meira -
Haukarnir hans Matés mæta í Síkið í kvöld
feykir.is Skagafjörður, Íþróttir 17.10.2024 kl. 11.39Körfuboltinn er kominn á fullt og lið Tindastóls farin að gleðja hjörtu stuðningsmanna. Stelpurnar komnar með tvo nokkuð óvænta sigra og strákarnir með sigur á liði ÍR – langþráður sigur eftir alveg heilar tvær umferðir! Í kvöld mæta Hafnfirðingar í liði Hauka í heimsókn í Síkið og nú er bara að fjölmenna og hvetja strákana til sigurs.Meira -
Teitur Björn sækist eftir efsta sæti á lista Sjálfstæðisflokks
feykir.is Skagafjörður, Austur-Húnavatnssýsla, Vestur-Húnavatnssýsla 17.10.2024 kl. 09.23„Ég býð mig fram til að leiða lista Sjálfstæðiflokksins í Norðvesturkjördæmi. Ákvörðun Bjarna Benediktssonar um að leggja til að þing verði rofið og þar með boðað til alþingiskosninga var hárrétt. Kyrrstaða í málum sem eru jafn mikilvæg framtíð þjóðarinnar og raun ber vitni er óásættanleg,“ segir í tilkynningu frá Teiti Birni Einarssyni, öðrum þingmanni Sjálfstæðisflokks í Norðvesturkjördæmi.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.