Karlakórarnir Heimir og Fóstbræður saman í Miðgarði
Laugardaginn 13.apríl næstkomandi tekur Karlakórinn Heimir á móti kollegum sínum í Fóstbræðrum í Miðgarði. Slá þeir saman til tónleika sem hefjast kl.17.00.
Fóstbræður eru um þessar mundir að undirbúa eigin vortónleika í Reykjavík, og taka á þessum tónleikum hluta af sinni vordagskrá. „Þeir munu syngja fyrir hlé, svo komum við Heimismenn eftir hlé og að lokum er samsöngur beggja kóra, þar sem teknir verða sígildir karlakórsslagarar. Við Heimismenn erum þeim Fóstbræður þakklátir fyrir komuna norður, þeir líta á þetta sem virðingarvott við okkur og vilja með þessu styðja við okkur og okkar starf eftir það sem á undan er gengið,“ segir Atli Gunnar Arnórsson formaður Karlakórsins Heimis.
Þess má geta að nokkrir Skagfirðingar eru félagar í Fóstbræðrum, svo sem Guðmundur Benediktsson frá Vatnsskarði og Ragnar Már Magnússon, en hann mun syngja einsöng á tónleikunum í lagi eftir Sverri Bergmann bróður sinn – þeir bræður eiga ekki langt að sækja sönghæfileikana – en fyrir þá sem ekki vita þá er Magnús Sverrisson faðir þeirra, sem staðið hefur í fremstu röð í tenórnum í Heimi lengur en elstu menn muna.
Með þessum tónleikum tekur Karlakórinn Heimir forskot á Sæluvikuna, en þessir tónleikar koma í stað hinna hefðbundnu Sæluvikutónleika kórsins þetta vorið. Þessir tónleikar eru merkilegir fyrir þær sakir að Jón Þorsteinn Reynisson mun þá stýra Heimi í fyrsta sinn opinberlega.
„Karlakórinn Heimir mun svo halda tónleika í Glerárkirkju á Akureyri í lok maí, og jafnvel víðar um það leyti, tónleikaferð á höfuðborgarsvæðið bíður hins vegar haustsins,“ segir Atli Gunnar að lokum.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.